Көннөрүүлэр Судаарыстыбаннай Мунньах уонна норуот дьокутааттарын үлэлэрин уопсай балаһыанньатын, көрүҥүн, сис кэмитиэттэр, хамыыһыйалар үлэлэрин уопсай бэрээдэгин, пленарнай мунньахтары тэрийии бэрээдэгин ситэрэн уонна чопчулаан биэрэллэр.
Докумуоҥҥа аһаҕас истиилэр, “бырабыыталыстыба чааһа”, “төгүрүк остуол”, пленарнай мунньахха бэрэссэдээтэллээһин, кистэлэҥ куоластааһын, о.д.а. үлэ көрүҥнэрин бэрээдэктэрэ чуолкайданна.
Саҥардыллыбыт Регламеҥҥа үлэ саҥа көрүҥнэрэ, саҥа сүбэлэһэр уорганнар баар буоллулар. Биллэн турар, бу парламеннар икки ардыларынааҕы институттар үлэлэрэ, ыччат бэлиитикэтэ, сокуону оҥоруу тупсуубутун туоһулуур.
Норуот дьокутааттара Петр Аммосов уонна Михаил Эверстов Ил Түмэн Мандатнай уонна регламентнай хамыыһыйатын бэрэссэдээтэлигэр Андрей Николаевка уонна үлэлиир бөлөххө махталларын биллэрдилэр. Кинилэр саҥардыллыбыт Регламент парламент үлэтин көдьүүһүн үрдэтиэ диэн эрэллээхтэрин биллэрдилэр.
Түмүккэ
Ил Түмэн уочараттаах XXVI пленарнай мунньаҕын кэмигэр Саха Өрөспүүбүлүкэтин парламентарийдара Арассыыйа Федерациятын субъектара көҕүлээбит сокуоннарын барылларынан Ил Түмэҥҥэ ылыныллыбыт уураахтары бигэргэттилэр.
-
0
-
0
-
0
-
0
-
0
-
0
