Мунньах бастакы түһүмэҕэр Ил Түмэн дьокутааттара Гаврил Парахин болдьоҕун иннинэ боломуочуйатыттан босхолонорун туһунан дьаһалы көрдүлэр. Бу боппуруоһу мандат уонна регламент хамыыһыйатын бэрэссэдээтэлэ Андрей Николаев билиһиннэрдэ. Кини ыам ыйын 19 күнүгэр хамыыһыйа тустаах дьаһалы ылыммытын иһитиннэрдэ. Санаттахха, Гаврил Парахин РЛДП Саха сиринээҕи салаатыттан РФ Госдуматын дьокутаатынан талыллыбыта. Онон, Гаврил Павлович “Саха Өрөспүүбүлүкэтин норуотун дьокутаатын статуһун туһунан” сокуон 3 ыст. 3 чааһын 2 пуунугар олоҕуран, болдьоҕун иннинэ Ил Түмэн дьокутаатын боломуочуйатыттан босхолонно.
“Мин төһө кыайарбынан Ил Түмэн пленарнай мунньахтарынан кыттар буолуоҕум. Өрөспүүбүлүкэбит интэриэстэрин, сокуону оҥорууга бырайыактарын уонна көннөрүүлэрин Госдума таһымыгар иһитиннэриэм уонна РЛДП өйүүрүн ситиһиэм”, – диэн Гаврил Павлович тыл этиитин кэмигэр бэлиэтээтэ уонна өрөспүүбүлүкэ салалтатыгар, кэллиэгэлэригэр Ил Түмэн дьокутааттарыгар махталын биллэрдэ.
-
0
-
0
-
0
-
0
-
0
-
0
