Бу нэдиэлэҕэ РФ Бырабыыталыстыбатын отчуотун иннигэр профильнай биэдэмистибэ баhылыга Виталий Савельев кыттыылаах тырааныспарга уонна тырааныспар инфраструктуратын сайдыытыгар Кэмитиэт киэҥ ыҥырыылаах мунньаҕар авиационнай салаа боппуруоhун дьүүллэстилэр.
Госдума бэрэссэдээтэлин солбуйааччы Сергей Неверов: «Пандемия уонна сааҥсыйалар содуллара авиационнай салааҕа куhаҕаннык сабыдыаллыыллар, ол эрээри, Тырааныспар министиэристибэтэ тэтимнээх быhаарыылаах хардатын кѳмѳтүнэн, дойду Бэрэсидьиэнэ, бырабыыталыстыба ѳйѳбүллэринэн балаһыанньа боростуойа суох эрээри, бигэ, үлэ кэминэн барар», – диэн бэлиэтээтэ.
Виталий Савельев эппитинэн, РФ Бырабыыталыстыбата тас дойду тиэхиникэтин лизиҥҥэ биэрээччилэриттэн, Арассыыйа авиахампаанньаларын көтөр аалларын атыылаhан ыларга анаан 300 млрд солк. кэриҥэ үбү-харчыны биэрбит. Ол курдук, «Аэрофлот» хампаанньа үп-харчы сорох чааhын ыраах айан-сырыыны сылдьар 10 сѳмѳлүѳтү атыылаhан ыларга хайыы-үйэ туттубут.
Ону кытта, Виталий Савельев билиҥҥи бириэмэҕэ Арассыыйа авиахампаанньаларын пааркаларыгар 1297, ол иhигэр 1167 пассажирскай сѳмѳлүѳттэр баалларын, ол иһиттэн 70-тан тахса көтөр аал сааҥсыйаларынан сибээстээн кыраныысса таhыгар хаалбыттарын туһунан биллэрдэ.
Источник: Госдума саайта.
-
1
-
0
-
0
-
0
-
0
-
0
