РФ Бырабыыталыстыбатын сайтыгар тахсыбыт маннык ис хоhоонноох уураах 2023 сыл балаҕан ыйын 1 күнүттэн үлэлээн барыаҕа. Онно этиллэринэн, тѳрѳппүттэр кинилэргэ кѳрүллэр тѳлѳнѳр эбии ѳрѳбүллэрин (ыйга 4 күн) тута 24 күҥҥэ диэри мунньар кыахтаныахтара.
Оттон билиҥҥитэ инбэлиит оҕо тѳрѳппүттэриттэн биирдэстэрэ ый аайы тѳлѳнѳр эбии 4 күнү туhанар, итиэннэ бу күннэри атын ыйга кыайан кѳhѳрүллүбэт.
Бу быраабыланы былырыын сэтинньи ыйга Үлэ кодексыгар киллэриллибит кѳннѳрүүлэр уларыттылар. Кинилэри кѳҕүлээччилэринэн Федерация Сэбиэтин спикерэ Валентина Матвиенко, ФС бастакы вице-спикерэ Андрей Турчак, конституционнай сокуоҥҥа уонна судаарыстыбаннай тутулга балаата Кэмитиэтин баhылыга Андрей Клишас, кини бастакы солбуйааччыта Ирина Рукавишникова, итиэннэ «Ньыгыл Арассыыйа» фракциятын салайааччытын солбуйааччыта, Госдума үлэҕэ, социальнай бэлиитикэҕэ уонна бэтэрээннэр дьыалаларыгар Кэмитиэтин чилиэнэ Андрей Исаев буоллулар.
Онон быйыл балаҕан ыйын 1 күнүттэн тѳрѳппүттэр сокуоннай үлэлээбэт күннэрин хайдах туhаналларын талар кыахтаныахтара — ый аайы ыларга эбэтэр ѳссѳ биир уоппуска гынан мунньарга.
Хаартыска аhаҕас источниктан ылылынна.
-
0
-
0
-
0
-
0
-
0
-
0
