Издательский дом Редакция Подписка
Погода в Якутске: . -12 oC

Тимир суолунан айаннаары, билиэт ылан баран, мобилизацияҕа хабыллан, кыайан барбат буолбут гражданнарга РЖД харчыларын төнүннэрэр миэрэни тута ылыммыта.

Тимир суолунан айаннаары, билиэт ылан баран, мобилизацияҕа хабыллан, кыайан барбат буолбут гражданнарга РЖД харчыларын төнүннэрэр миэрэни тута ылыммыта.

Аны билигин, үтүө холобуру батыһан диэххэ, Арассыыйа авиахампаанньалара быстах хомуурга хабыллыбыт гражданнарга уонна кинилэр дьиэ кэргэннэригэр атыылаһыллыбыт билиэттэр сыаналарын толуйалларын биллэрдилэр.

Ол курдук, «Аэрофлот», «Россия», «Победа», «Азимут», «Якутия», «Алроса», «Северный ветер», «Ямал» уонна “NordStar” хампаанньалар билиэт харчытын толору төнүннэрэргэ мэктиэлииллэр. Оттон “S7”, «ЮТэйр», «Уральские авиалинии» хампаанньалар бу боппуруоһу өссө да үөрэтэ сылдьаллар, хайдах хас биирдиилэригэр толору төнүннэрэр ньыманы тобулаллар.

Дьэ, авиабилиэт харчытын төнүннэриигэ ким хапсарый?

-Быстах хомуур биллэриллиэн иннинэ, ол эбэтэр 2022 сыл балаҕан ыйын 21 күнүгэр диэри, билиэт атыыласпыт уонна балаҕан ыйын 22 күнүттэн бэбиэскэ туппут гражданнар;

-Сорох авиахампаанньалар балаҕан ыйын 21 күнүн толору хабаллар, оттон сорохтор бу күн 10:00 чааһыгар диэри ылбыттары эрэ ылыналлар. Чопчу информацияны таһааччы саайтыттан билиэххэ сөп.

Билиэти төнүннэргэ ханна тиийэбит?

Харчыны толуйтарарга авиахампаанньалар бэрэстэбиитэлэстибэлэригэр тиийэҕит.

Холобура, «Аэрофлот» быһаарарынан, офиска быстах хомуурга түбэспит киһи бэйэтэ эбэтэр аймаҕа кэлиэхтээх. Иккис түгэнигэр аймаҕар генеральнай дэбиэринэс баар буолуохтаах. Биитэр чугас аймах буолууну туоһулуур докумуон (ыал буолуу сибидиэтэлистибэтэ, оҕото буолара ыйыллыбыт пааспар биитэр төрөөбүт туһунан сибидиэтилэстибэ).

Оттон РЖД быстах хомуурга түбэспиттэргэ уонна кинилэр дьиэ кэргэннэригэр уһун айан пуойастарыгар биитэр куораттар икки ардыларынааҕы сырыыларга билиэт харчытын эбии төлөбүрэ, ол-бу “сбора”, хамыыһыйата суох ырааһынан толору төнүннэрэри мэктиэлиир. Маныаха пассажир тимир суоллар каассаларыгар личноһын бигэргэтэр докумуоннаах, маны тэҥэ хомуур пууна ыйыллыбыт, бу пууҥҥа тиийэр болдьоҕо суруллубут бэбиэскэлээх эбэтэр мобилизационнай предписаниелаах  тиийэрэ ирдэнэр.

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением