Форум онлайн киэбинэн балаҕан ыйын 27-30 күннэригэр буолуоҕа. Биллэн турар, Роспотребнадзор ирдэбилин тутуһан ыытыахтара. Форум бары сиэссийэтин тута ангылычаанныы уонна нууччалыы тылбаастан иһиэхтэрэ.
Хотугу кыраайга уонна Арктикаҕа тырааныспар инфраструктуратын сайыннарыы туһунан кэпсэтии буолуоҕа. Онуоха бу тиэмэни үс түһүмэххэ арааран көрүөхтэрэ: эрэгийиэннээҕи суол-иис, тырааныспар национальнай коммуникацията уонна аан дойдутааҕы логистика.
Бу тэрээһиҥҥэ Канадаттан, АХШ-тан, Финляндияттан, Норвегияттан, Швецияттан, Данияттан, Исландияттан, Кытайтан, Японияттан, Кэриэйэттэн барыта 272 учуонай уонна эспиэр, ону сэргэ ситэриилээх былаас федеральнай уорганнарын бэрэстэбиитэллэрэ кыттыахтара.
Форумҥа «Хоту эҥэри сайыннарыыга Арктика уонна Азия бииргэ үлэлээһинэ”, «Арктикаҕа -- киһи», «Арктика территориятын салайыы» диэн эбии блоктар баар буолуохтара. Ону таһынан аан бастакытын “Хотугу Форум” ыччакка аналлаах былаһаакката тэриллиэҕэ.
Санатар эбит буоллахха, 2019 сыллаахха форумҥа хотугу эргимтэ 8 судаарыстыбата кыттыбыта: Арассыыйа, Канада, АХШ, Исландия, Финляндия, Норвегия, Швеция, Дания, Кытай, Соҕуруу Кэриэйэ уонна Япония. Ону сэргэ РФ Уһук Илин уонна Арктика сайдыытыгар министиэристибэтиттэн, инвестицияны булар уонна экспорты өйүүр Уһук Илиннээҕи агентствоттан, Ненецкэй уонна Ханты-Мансийскай уокуруктартан, Камчаткаттан уонна Хабаровскай кыраайтан дэлэгээссийэлэр кэлбиттэрэ.
Ил Дархан Айсен Николаев бу II форум кыттыылаахтара Хотугу сир боппуруоһун быһаарарга көдьүүстээх ньымалары булуохтарыгар эрэнэрин биллэрдэ.
-
0
-
0
-
0
-
0
-
0
-
0
