Издательский дом Редакция Подписка
Погода в Якутске: . -12 oC

 “Хотугу Форум” норуоттар икки ардыларынааҕы II форум чэрчитинэн балаҕан ыйын 29 күнүгэр парламент «Правовые аспекты жизнеобеспечения и устойчивого развития Северных и Арктических территорий» диэн сессията буолар.

 “Хотугу Форум” норуоттар икки ардыларынааҕы II форум чэрчитинэн балаҕан ыйын 29 күнүгэр парламент «Правовые аспекты жизнеобеспечения и устойчивого развития Северных и Арктических территорий» диэн сессията буолар.

         Арассыыйа хотугу уонна арктическай субъектарын, тас дойдулар сокуону оҥорор былаастарын бэрэстэбиитэллэрэ, экспертэр дипломаттыы сыһыаҥҥа тирэҕирэн, Арктика национальнай уонна эрэгийиэннээҕи сокуоннарын хайдах өссө тупсарар, эҥкилэ суох сөптөөх гына оҥорор туһунан кэпсэтиэхтэрэ, уопут атастаһыахтара, баар кыһалҕалары аһаҕастык ырытыахтара, сокуону оҥорууга бастыҥ быраактыканы көрүөхтэрэ.

unnamed 7 2

Коронавирус дьаҥа турбут кэмэ буолан, парламент сессията онлайн киэбинэн ыытыллыаҕа.

  “Хотугу Форум” норуоттар икки ардыларынааҕы тэрилтэ чилиэн-эрэгийиэннэрин бэрэстэбиитэллээх уорганнара, арктическай субъектара, аан дойду циркумполярнай эрэгийиэннэрэ кыттыылаах бу парламентскай сессия Хотугу уонну Арктика сирдэригэр правовой сайдыыны бигэ туруктуур туһуттан ыытыллар.

  Форум тэрийээччилэрэ: СӨ Бырабыыталыстыбата, «Хотугу Форум» норуоттар икки ардыларынааҕы тэрилтэ уонна М.К. Аммосов аатынан Хотугулуу-Илиҥҥи федеральнай университет.

Парламентарийдар Хоту уонна Арктика инфраструктуратыгар туһуламмыт РФ сокуонун тула боппуруостары, нормативнай-правовой хааччыллыытын ырытыахтара, тырааныспар, суол-иис, сырыы-айан хайдаҕын, таһымын, суолтатын, кэскилин, онуоха көдьүүстээх технологиялары, экологияҕа куттала суох тиэхиньикэни туһаныы туһунан төрдүттэн түөрэн, иҥэн-тоҥон кэпсэтиэхтэрэ.

Сессия түмүгүнэн докумуон ылыллан, резолюцияҕа киллэриллиэ.  Ону Арктика сэбиэтин үлэтин кэтиир-хонтуруоллуур бырааптаах, аан дойду циркумполярнай эрэгийиэннэрин сайыннарар соруктаах "Хотугу Форум" тэрилтэҕэ аадырыстыахтара.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением