Ылыныллыбыт уларытыылар чэрчитинэн, эһиил ону тэҥэ 2023-2024 сылларга бу бырагырааманы олоххо киллэриигэ сыллата 500 мөл. солкуобай көрүллүө. «Субу бырагыраама муус устарга ылыныллыбыта уонна аартыкаҕа олорор аҕыйах ахсааннаах омуктар үгэс буолбут хаһаайыстыбаларын дьиҥнээхтик өйүө. Билигин бырагырааманы киллэриигэ 3 сылга 500-түү мөл. солкуобай үбүлээһин көрүлүннэ», - диэн РФ Хотугу, Сибиирдээҕи уонна Уһук-Илиҥҥи Федеральнай уокурук аҕыйах ахсааннаах омуктарын Ассоциациятын Президенэ Григорий Ледков бэлиэтиир.
Оттон Ил Түмэн хотугу аҕыйах ахсааннаах омуктар боппуруостарыгар уонна Аартыка дьыалаларыгар сис кэмитиэтин бэрэссэдээтэлэ Елена Голомарева бигэргэммит федеральнай өйөөһүн кээмэйинэн дуоһуйбутун бэлиэтиир.
“Ил Түмэн бу өйөбүл баар буолбутугар быһаччы оруоллаах. РФ Федеральнай Мунньаҕар "РФ Аартыкатыгар урбаанынан дьарыктанааччылары судаарыстыбаттан өйөөһүн" туһунан сокуон бырайыагын сөбүлэһиннэриигэ биһиги, ол иһигэр вице-спикер Александр Жирков буолан бииргэ үлэлэһэммит сокуоҥҥа аҕыйах ахсааннаах төрүт омуктары өйүүргэ сыһыаннаах ыстатыйалар киирбиттэрэ. Бастакынан, Аартыкатааҕы сир уопсастыбаннай сүбэтин тэрийии бигэргэннэ, онно СӨ хотугу аҕыйах ахсааннаах омуктар Ассоциациятын ытык кырдьаҕастарын сэбиэтин бэрэссэдээтэлэ Августа Марфусалова итиэннэ ХИФУ ректорын солбуйааччыта, экономика билимин хандьыдаата Александр Кугаевскай киирдилэр. Иккиһинэн, РФ Аартыкатааҕы сиригэр-уотугар үгэс буолбут хаһаайыстыбанан дьарыктанар аҕыйах ахсааннаах төрүт омуктары туспа миэрэнэн судаарыстыбаттан өйөөһүн диэн 28 ыстатыйа баар буолла, ол чэрчитинэн 500 мөл. солкуобай сыллата көрүллүө", - диэтэ Елена Христофорова.
Норуот дьокутаата «Дети Арктики» бырайыагы хамсатыыга кэллиэгэтигэр Феодосии Габышеваҕа, РФ сенатордарыгар Александр Акимовка уонна Егор Борисовка, судаарыстыбаннай дуума дьокутаатыгар Галина Данчиковаҕа уонна Ил Дархан Айсен Николаевка махтанна.
-
0
-
0
-
0
-
0
-
0
-
0
