Онон сибээстээн эрэгийиэн Баhылыга Айсен Николаев баhаартан сэрэхтээх буолуу сезонугар бэлэмнэнии ордук кичэллээхтик ыытыллыахтааҕын туhунан кулун тутар 7 күнүгэр ыытыллыбыт мунньахха эттэ. Онуоха ойуур баhаардарын кѳрүллэр зоналарга эрэ буолбакка, хонтуруол зоналарыгар эмиэ умуруорар наадалааҕын бэлиэтээтэ.
Прогноз быhыытынан быйыл кураан сайын күүтүллэр. Онон Бырабыыталыстыба чилиэннэрин, салаалар тэрилтэлэрин иннилэригэр куонкурус процедураларын кэмигэр хааччыйар, итиэннэ авиацияны тардыы, тиэхиникэ ѳрѳмүѳнүн уонна саҥардыытын, каадырдары бэлэмнээhин үлэлэрин ыытар, ойуур баhаардарын утары үлэлиир чаастары комплектациялыыр соруктар тураллар.
Мунньахха ойуур хаhаайыстыбатын Федеральнай агентствотын салайааччытын солбуйааччыта Алексей Венглинскэй кытынна. Кини эппитинэн, кѳрүллэр зоналар болуоссаттарын 20 мѳл. ганан улаатыннарыы Рослесхозка сѳбүлэhиннэриллибит. Ыам ыйын бүтэhигиттэн ѳрѳспүүбүлүкэҕэ федеральнай резервэ күүстэрэ базаланыахтара. Эмиэ былырыыҥҥы курдук, федеральнай Авиалесоохрана зондировщик сѳмѳлүѳтэ үлэлиирэ былааннанар.
Ойууру баhаартан харыстааhын тэрээhиннэрин үбүлээhин ааспыт сыл таhымыгар хаалар. Федеральнай бүддьүѳттэн 1,6 млрд солкуобайтан ордук кѳрүллэр. 1 млрд кэриҥэ солкуобайы ѳрѳспүүбүлүкэ бүддьүѳтэ уйунар. Онон баhаартан сэрэхтээх буолуу сезонугар бэлэмнэниигэ уонна бу сезону ааhарга 2, 6 млрд солкуобай бэриллэр.
Источник: СѲ Баhылыгын уонна СѲ Бырабыыталыстыбатын пресс-сулууспата.
Андрей Сорокин хаартыската. СИА
-
0
-
0
-
0
-
0
-
0
-
0
