-
2021 с. алтынньы 15 күнүттэн сэтинньи 8 күнүгэр диэри «Госуслуга» порталыгар биэрэпис лиистэрин дойду олохтоохторо бэйэлэрэ киирэн толоруохтарын сөп.
-
Ыраах уонна уустук суоллаах нэһилиэнньэлээх пууннарга биэрэпис болдьоҕо ахсынньы 20 күнүгэр диэри уһатыллыаҕа.
-
Маҥнайгы биэрэпис түмүгүн 2022 сыл муус устар ыйыгар таһаарыахтара. Биэрэпис бүтэһиктээх түмүгэ 2022 с. IV кыбартаалга бэчээттэниэҕэ.
Санатар буоллахха, 2002 сыл тохсунньу 25 күнүнээҕи 8-ФЗ №-дээх «Бүтүн Арассыыйатааҕы биэрэпиһи ыытыы туһунан» Федеральнай сокуон 3 ыстатыйатыгар олоҕуран, Бүтүн Арассыыйатааҕы нэһилиэнньэ биэрэпиһэ уон сылга биирдэ ыытыллар. Бу иннинээҕи биэрэпис 2010 сыллаахха ыытыллыбыта. 2020 сылга алтынньыга ыытыллыахтаах этэ да, пандемиянан сибээстээн, бүтүн дойду үрдүнэн тохтотуллан, 2021 сылга көһөрүллүбүтэ.
Анкетаҕа уопсастыба уларыйан иһэрин чопчулуур ыйытыктар баар буолуохтара: киһи сааһа, олорор сирэ, дьиэ кэргэнэ, үөрэҕэ, оҕотун ахсаана, омуга, үлэтин усулуобуйата, хас тылы билэрэ, олорор усулуобуйата, дьарыга, о.д.а. Саҥа көрүҥнэртэн бэйэ дьарыктаах буолуута (самозанятость), үлэ миграцията киирэн биэрбиттэрэ. 2010 сыллааҕы биэрэпискэ тэҥнээтэххэ, сорох ыйытыыларга эбии-көҕүрэтии баар. Холобура, нэһилиэнньэ дьарыктаах буолуутугар толору хоруйу ылар инниттэн «хамнас», «предприниматель быһыытынан дохуот», «бэйэ бородууксуйатын оҥорон таһаарыы» курдук пууннар киирдилэр. Маны таһынан, урукку олорбут сиргин ыйыы эмиэ суруллар. Бу эрэгийиэнтэн эрэгийэҥҥэ көһүү төһө элбэҕин быһаарыыга туһаайыллар. Үөрэххэ сыһыаннаах боппуруостарга «дошкольное образование» диэн пуун баар. «Орто үөрэх» диэн пууҥҥа «анал идэлээх оробуочай, сулууспалаах» уонна «орто сүһүөх үөрэхтээх исписэлиис» диэн түһүмэхтэр эбии киирбиттэрэ.
-
0
-
0
-
0
-
0
-
0
-
0
