Бүгүн Таатта улууһун киинигэр нэһилиэктэринэн биэрэпиһи ыытааччылар сэминээрдэрэ саҕаланна. Улуус баһылыга Михаил Соров быйылгы биэрэпис уратытык, Судаарыстаба өҥөлөрүн нөҥүө эмиэ ыытылларын бэлиэтээтэ. Биэрэспискэ дойду нэһилиэнньэтин ахсаанын, төрөөбүт тылынан төһө киһи саҥарарын, олохтоохтор олорор сирдэрин, олорор дьиэлэрин усулуобуйаларын, эрэгийиэннэргэ туох уларыйыы бара турарын уо.д.а. билэн, үөрэтэн, саҥа бырагырааммалары киллэрэн, нэһилиэнньэ олоҕун тупсарыыга, дойдубут сайдыыта түстэнэригэр олук буолар үлэ-хамнас тэриллиэҕэ диэтэ. Улуус нэһииэнньэ биэрэпиһин боломуочунайа И.П.Неустроева биэрэпис ыытыллыытын ирдэбиллэрин, быраабылаларын, саҥа киллэриллибит уларыйыылар тустарынан кэпсээтэ.
Онон биэрэпис үс көрүҥүнэн ыытыллыаҕа:
дьиэнэн сылдьан, судаарыстыба өҥөтүн сайтыгар (алтынньы 15 күнүттэн сэтинньи 8 күнүгэр диэри) итиэннэ хас нэһилиэк ахсыгар тэриллэр биэрэпистиир учаастактарга. Бу үлэ барыта сайдыыбыт туһугар туһаайыллар.
Ытык Күөлтэн Вера Морхева, sakhaparliament.ru сайтка анаан.
-
0
-
0
-
0
-
0
-
0
-
0
