«Медицина, оборудование. Стоматология» тиэмэнэн ыытыллар быыстапка Уhук Хоту усулуобуйатыгар Арассыыйа уонна тас дойдулар медицинскэй технологияларын практикаҕа туттарга кѳдьүүстээх былаhаакканан буолар. Манна Саха Ѳрѳспүүбүлүкэтин доруобуйатын харыстабылын ситиhиилэрэ, нэhилиэнньэ доруобуйатыгар сабыдыаллыыр буортулаах дьаллыктартан босхолонор спортивнай-чэбдигирдэр ньымалар кѳрдѳрүллэллэр, ѳрѳспүүбүлүкэ медицинскэй салаатын сайдыытын актуальнай боппуруостара уонна перспективалара дьүүллэhиллэллэр.
Быйыл быыстапкаҕа Арассыыйа араас эрэгийиэннэрин 60-тан тахса тэрилтэлэрэ кыттыахтара.
Быыстапка салааларын тиэмэлэрэ: медицинскэй тиэхиникэ, тэрил уонна диагностика; туттуллар матырыйааллар, бэйэни кѳрүнэргэ аналлаах уонна гигиена матырыйааллара, медицинскэй таҥас; медицинскэй клиникалар уонна чааhынай практика; эстетическэй медицина, косметология уонна дерматология; стоматология; тас дойдуларга эмтэнии, курортология; реабилитационнай кииннэр уонна социальнай уопсастыбалар, специализированнай дьиэлэр, интэринээттэр; фармацевтика; оптика уонна офтальмология; оҕолорго, ийэлэргэ аналлаах табаардар; анал медицинскэй литература.
Интэриниэт ситимиттэн.
Хаартыска аhаҕас источниктан ылылынна.
-
0
-
0
-
0
-
0
-
0
-
0
