Бу өрөспүүбүлүкэ култуураҕа үтүөлээх үлэһитэ, култуура туйгуна, РФ худуоһунньуктарын сойууһун уонна норуоттар икки ардыларынааҕы худуоһунньуктар федерацияларын чилиэнэ Галина Семенова салайар уруһуйунан үлүһүйэр дьон түмсүүлэрин чилиэннэрэ, араас идэлээх дьон үлэлэрэ өссө композитор 125 сылыгар көрдөрүллэ сылдьыбыттара. Музыканы, саха ырыатын-тойугун, хомуһун таптыыр боростуой дьон Адам Скрябин олоҕун, айар үлэтин чинчийэн, үөрэтэн кэрэхсээн туран айбыт уруһуйдара элбэҕи кэпсииллэр.
Бу туһунан худуоһунньук Галина Дмитриевна сырдатта – Адам Скрябин үгүс музыкальнай инструменнарга, ол иһигэр сахалар таптыыр кырыымпаларыгар, хомуска о.д.а. олус бэркэ оонньуурун, оҕо эрдэҕинээҕититтэн Анастасия Гуляева, Полина Семеновна уобарастаан хоһуйбуттарын, Любовь Габышева Адам Скрябин ыра санаалара олоххо киирэрин күн сардаҥаларын анныгар Хотой кыылбытынан көрдөрбүтүн, «Дьылҕа анала» диэн хартыынатынан Валентина Петрова музыкант Севлагка Нагаево бухтаҕа сылдьарын уруһуйдаан о.д.а. түгэннэрин кэпсээбиттэрин хормейстер, музыкант үбүлүөйүн көрсө ыытыллыбыт төгүрүк остуол кыттыылаахтарыгар билиһиннэрдэ. Быыстапканы оскуола оҕолоро эмиэ кэрэхсии көрдүлэр. Биэс сыл тухары уруһуйдьуттарбыт үлэлэрэ көһөрүллэ сылдьан көрдөрүллэн нэһилиэктэрбит олохтоохторугар биллиилээх биир дойдулаахпыт олоҕун сырдаттылар.
Сонун төрдө уонна хаартыска: Людмила Мордовская, "Хаҥалас".
-
0
-
0
-
0
-
0
-
0
-
0
