Аҕыйах сыллааҕыта тутуллубут саҥа дьиэлэргэ 40 м2 иэннээх 1 хостоох кыбартыыра өрөмүөнүттэн көрөн 6500 – 8500 мөл. солк., 60 м2 иэннээх 2 хостоох кыбартыыра 7500 – 11 500 мөл. солк. Эргэ дьиэлэргэ, куорат киин сириттэн тэйиччи оройуоннарга сыана быдан чэпчэки.
Быйыл сыана төһө ыарыан сөбүй диэн Яна Билинаттан, «Купи дом» хамсаабат баай-дуол агенствотын салайааччытыттан, ыйыталастым.
«Күн бүгүн Уһук Илиҥҥи ипотеканы 6 мөл. солк. диэри биэрэллэр, 9 мөл. солк. диэри улаатыннарыахтаахтар. Оччотугар саҥа тутуллар дьиэлэргэ сыана ыарыыра күүтүллэр. Кулун тутар ыйтан сир учаастага ыарааччы, бу дьиэ сыанатыгар эмиэ сабыдыаллыыр. Уһук Илиҥҥи ипотеканы саҥа тутулла турар дьиэлэргэ 1,5% биэрэллэр.
Урут тутуллубут дьиэлэргэ сыана халбаҥнаабакка турар, 2022 с. кытта тэҥнээтэххэ, дьиэ сыаната үрдүү илик. Билигин вторичнай ырыынакка ипотеканы 12% биэрэллэр. Өскөтүн ипотека ыстаапката 8% диэри түстэҕинэ, биллэн турар, сыана тута ыараабытынан барыаҕа. Чааһынай дьиэ Уһук Илиҥҥи ипотекаҕа киирэр түгэнигэр сыаната үрдүк буолуо.
Күн бүгүн ипотечнай бырагыраамалар бары кэҥээн, тупсарыллан иһэллэр. Кирэдьиит усулуобуйата уларыйдаҕына, ыстаапка кээмэйэ түстэҕинэ сыана ыарыан сөп», — диэн быһаарар кини.
Биллэрин курдук, Уһук Илиҥҥи ипотека киириэҕиттэн дьиэ сыаната хас да төгүл үрдээн, саастарынан хапсыбатах, 35 аҕа саастаах дьон ипотекаларын төлүүр суумалара өссө улаатан биэрдэ. Онон эдэрдэр барыыһырдылар, саастаахтар ночоотурдулар
-
0
-
0
-
0
-
0
-
0
-
2
