Издательский дом Редакция Подписка
Погода в Якутске: . 8 oC

Ньурба  улууһугар 2018 сылтан саҕалаан, “Саахалланар туруктаах уонна хаарбах дьиэттэн көһөрүү“ судаарыстыбаннай бырагыраама иккис түһүмэҕэ олоххо киирэр. 2021 сыллаахха Ньурба куоратыгар 49 кыбартыыралаах, 2022 сыллаахха ­- 24 кыбартыыралаах олорор дьиэлэр тутуллубуттара. Ол туһунан «Ньурба» улуус хаһыатыгар суруллар.

Ньурба  улууһугар 2018 сылтан саҕалаан, “Саахалланар туруктаах уонна хаарбах дьиэттэн көһөрүү“ судаарыстыбаннай бырагыраама иккис түһүмэҕэ олоххо киирэр. 2021 сыллаахха Ньурба куоратыгар 49 кыбартыыралаах, 2022 сыллаахха ­- 24 кыбартыыралаах олорор дьиэлэр тутуллубуттара. Ол туһунан «Ньурба» улуус хаһыатыгар суруллар.

Быйыл манна күүстээх үлэ эмиэ  салҕанар - 4 дьиэ үлэҕэ киирэрэ күүтүллэр. Итини сэргэ саамай улахан, 82 кыбартыыралаах дьиэ тутуута саҕаланна.

Ол курдук, Ньурба к. Комсомольскай уул. 99 №-гэр элбэх кыбартыыралаах икки дьиэ дьэндэйдэ. 58 уонна 53 кыбартыыралаах дьиэлэр сыбаайаларын “Региональнай сайдыы“ ХЭУо былырыын муус устар 27 к., ол эбэтэр Өрөспүүбүлүкэ күнүгэр түһэрбитэ. «Региональнай сайдыы” ХЭТ кылаабынай инженерэ Артем Тимофеев салалтатынан 75 киһи үлэлии сылдьар. Кэлэр сэтинньи ыйга бу дьиэлэр тутуллан бүтэн, үлэҕэ киириэхтэрэ.

Кузаков уул. 40 №-дээх 4 этээстээх, 32 кыбартыыралаах дьиэ бэдэрээтчитинэн “Виком” ХЭТ буолар. Кини эмиэ бу территорияҕа 24 кыбартыыралаах дьиэни туппут тэрилтэ быһыытынан биллэр. Иккис дьиэлэрин сыбаайатын иллэрээ сыл күһүн түһэрбиттэрэ. Онон ыла элбэх үлэ баран, дьиэ бүтэрэ эмиэ чугаһаата. Үлэ хаамыытын «Виком” ХЭТ прораба Иван Кондратьев көрөн-истэн сүрүннүүр.

Бөртөлүөт пааматынньыгын уонна спорт былаһааккатын аттыгар Комсомольскай 125 №-дээх 5 этээстээх, 30 кыбартыыралаах дьиэ эмиэ бүтэр уһугар чугаһаабыт. Кыбартыыралар уопсай иэннэрэ — 1780,84 м2. 29 кыбартыыра «Көһөрүү» бырагырааматынан барар, 1 кыбартыыра – кэммиэрчэскэй.
Эбийиэк бэдэрээтчитинэн Дьокуускайдааҕы «Нидстрой” ХЭУо буолар. Быйылгы үлэлэрин муус ыйыгар кэлэн саҕалаабыттара. Тэрилтэ прораба - Амматтан төрүттээх Айсен Никитин.

Ити курдук улууска “Саахалланар туруктаах дьиэлэртэн көһөрүү” бырагырааманан киэҥ далааһыннаах үлэ барар. Эһиил өссө 5 дьиэ тутуута саҕаланан, 2025 сыл балаҕан ыйын 1 күнүгэр диэри дьиэлэр үлэҕэ киирэн, бу тосхол иккис түһүмэҕэ түмүктэниэхтээх.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

Төлөпүөнтэн тутулуктаныы

Аныгы киһи төлөпүөнүн туппутунан утуйар уонна уһуктар, үлэбитин быһаарсабыт, онтон…
19.05.24 12:53