Саҥа дьыллааҕы остуолга бородуукта сыаната былырыыҥҥытааҕар 15-20% үрдүк буолуоҕа диэн экспердэр ырыынак сыанатыгар сигэнэн иһитиннэрдилэр.
Боростуой Саҥа дьыллааҕы менюга оливье уонна "селедка под шубой" салааттар, сыыр, халбаһы, мандарин, сакалаат кэмпиэт, эт-ас, икра уонна балык киирдилэр. Сына үрдээһинэ оҕуруот аһыттан ураты, испииһэккэ баар бородууктаны барытын хабар.
Аналитик Иван Федяков этэринэн, эт уонна балык сыаната 10 %-тан итэҕэһэ суох үрдээбит, оттон атыттар 40%. Ону кытары сыыр 10%, туустаах балык 18-24%.
Оҥорон таһаарааччылар уонна ас- үөл табаары тиэрдээччилэр Ассоциацияларын дааннайдарынан, аҥардас сакалаат кэмпиэт ортотунан 23 % үрдээбит. Арай арыый чэпчэки сыаналаах, салат оливье буолар диэн исписэлиистэр бэлиэтээтилэр. Холобур, оливье салат састаабын бородууктата түөрт киһилээх ыалга ортотунан 1,6 солк. намтаабыт уонна 375 солк. кэриҥэ буолбут.
Оттон Атыы-эргиэн хампаанньалар Ассоциацияларын бэрэссэдээтэлэ Игорь Караваев этэринэн, Саҥа дьыллааҕы ас-үөл сыаната салгыы үрдүө суохтаах.
- Эргиэн ситимэ атыы-эргиэн көрдөрүүтүн үрдэтээри, араас промо-аахсыйалары ыытар. Ону таһынан сорох эргиэн ситимэ ахсынньы ыйга сыанаҕа мораторий олохтоото, — диэн кини быһаарда.
-
0
-
0
-
0
-
0
-
0
-
0
