Баараҕай култуурунай эбийиэк иһигэр П.А. Ойуунускай аатынан Саха академическай тыйаатыра, Олоҥхо тыйаатыра, Судаарыстыбаннай филармония киириэхтээхтэр. Бастыҥ дизайн-бырайыак куонкурсугар икки сайаапка киирбитэ. Балар иккиэн кыайыылааҕынан таҕыстылар. Онон эбийиэк хосторун үллэстэн оҥорор, киэргэтэр буоллулар. Эбийиэк фойетын “Резерв” ТПО диэн Арассыыйа архитектурнай хампаанньатын кытта кыттыһан оҥоруохтара.
Ураты култуурунай эбийиэк Дьокуускай “сирэйэ”, киэргэлэ буолара былааннанар. Киин Сайсары күөл кытылыгар тутуллуоҕа. Дьиэтин-уотун иэнэ 24 тыһ. кв м. буолуохтаах. Онно 700 миэстэлээх Г.М. Кривошапко аатынан Судаарыстыбаннай филармония, 350 миэстэлээх Олоҥхо тыйаатыра, 450 миэстэлээх П.А. Ойуунускай аатынан Саха академическай тыйаатыра киирэллэрэ быһаарыллыбыта. Ону таһынан быыстапкалыыр, мунньахтыыр, репетициялыыр зааллар баар буолуохтара. Судаарыстыбаннай филармония дьиэтэ 2022 сылга тутуллан үлэҕэ киириэхтээх диэн былаанныыллар.
-
0
-
0
-
0
-
0
-
0
-
0
