Холобура, Бүөтүр Пиэрбэйтэн ыла ыраахтааҕылаах Арассыыйаҕа ньиэмэстии, французтуу саҥарар муодунай этэ. Онно төһөлөөх элбэх дьиҥ чахчы нууччалыы тыл сүппүтэ, омук лексикатынан байбыта буолуой?
Сэбиэскэй Сойуус бэлиитикэтэ эмиэ ураты тылы-өһү үөскэппитэ. Ол кэмҥэ саха тылыгар –ааһын сыһыарыы күүскэ өтөн киирбитэ (холкуостааһын, кулаактааһын, о.д.а) .
Онтон ССРС эстибитин кэннэ, “американизм” сабыдыалынан, “президент” да “мэр” буола түспүппүт.
Оттон билигин өйдөөх, таһымнаах курдук тыл этээри гыннахтарына, букатын да “коллаборация”, “консолидация”, “апробация”, “инновация” диэбит курдук саҥараллар. Дьиҥэр, ити тыллары солбуйар биир өйдөбүллээх нууччалыы да, сахалыы да тыллар бааллар эбээт.
Хас эмэ сылы быһа бутуйан-бутуйан баран, дьэ, билигин кэлэн, тас дойдулары кытта сыһыан хаҕыс буолбутугар, аны тиэрминнэри, олоххо букатыннаахтык киирбит кэккэ тыллары нууччалыыга көһөрөргө туруорсан эрэллэр.
Холобура, ЛДПР Госдумаҕа этии киллэрдэ – “президент” диэн дуоһунаһы “правитель” диэҥҥэ уларытыахха диэн. Билиҥҥитэ Путин пресс-сэкирэтээрэ Песков тугу да кэмэнтээрийдии илик.
Манна даҕатан эттэххэ, саха тылын туһунан кэпсэтиилэргэ эмиэ, бастакытынан, бэлиитикэ уларыйыан наада. 90-с сылларга национальнай кэнсиэпсийэ өрө тутуллар кэмигэр улааппыт ыччат билигин бу сахалыы суруйа, тэлэбиидэнньэҕэ, араадьыйаҕа үлэлии сылдьабыт.
Ол кэннэ, ЕГЭ киириэҕиттэн, саха тыла предмет быһыытынан көйгөтүллэн барыаҕыттан ыла улааппыт көлүөнэ төрөөбүт тылыгар сыһыана чыҥха атын.
Онон үрдүкү салалта хайдах салайарыттан...
-
1
-
0
-
0
-
0
-
0
-
0
