Ил Түмэн наукаҕа, үөрэххэ, култуураҕа, маассабай информация уонна уопсастыбаннай тэрилтэлэр дьылаларыгар сис кэмиэтин бэрэссэдээтэлэ, норуот дьокутаата Феодосия Габышева:
-Бүгүн, сэтинньи 13 күнүгэр, Саха Өрөспүүбүлүкэтин бастакы Бэрэсидьиэнэ Михаил Ефимович Николаев 85 сыллааҕы төрөөбүт күнүн бэлиэтиир.
Михаил Ефимович Николаев аатын кытта социальнай-экэнэмиичэскэй, уопсастыбаннай-бэлитиичэскэй, биһиги өрөспүүбүлүкэбит историятыгар улахан уларыйыылар кэмнэрин сибээстииллэр. Кини салалтатынан Саха Сирэ Российскай Федерация субъектарын биир бастыҥ уонна көдьүүстээхтик сайыннарарга социальнай- экэнэмиичэскэй бырагыраамалар тиһигин олоххо киллэриллибитэ.
Бу үөрүүлээх күҥҥэ биһиги Михаил Ефимовичка бэйэтин норуотугар муҥура суох бэриниилээҕин, байылыат олоххо ырааҕы өтө көрөр уонна салайар уопутун иһин дириҥ ытыктабылын, махталбытын тиэрдэбит.
Билигин Михаил Ефимович интэриэһинэй бырайыактары олоххо киллэрэн, таһаарыылаахтык үлэлии-хамсыы сылдьара улахан суолталаах. Баҕарабын кытаанах доруобуйаны, уһун үйэни уонна ситиһиилэри.
-
3
-
0
-
0
-
0
-
0
-
0
