Тэрилтэ «Туундара» диэн ааттанна. Хампаанньа 49% өлүүтэ «Полярные авиалинии» хампаанньа бас билиитигэр сылдьар. Генеральнай дириэктэринэн уруккута «ПА» атыы-эргиэн отделын начаалынньыгынан үлэлээбит Максим Пелли ананна.
Санаттахха, былырыын Ил Түмэн дьокутааттара лизиҥҥэ үлэлиир кэтэх тэрилтэлэр төлөбурдэрин толуйууга уонна саҥа сөмөлүөт атыылаһыыга бүддьүөккэ 250 мөл.солк. көрүнэргэ этии киллэрбиттэрэ. Ол эрээри, бу этиини Саха Сирин аҕа баһылыга Айсен Николаев утарбыта.
Саха Сирин аччыгый авиациятын Ассоциацията кэтэх авиацияҕа субсидия аныыр туһунан көҕүлээһини оҥордо. 250 мөл. солк. суумаҕа икки миэстэлээх сөмөлүөтү уонна быһаччы лизинг хампаанньатын нөҥүө үс 12 миэстэлээх сөмөлүөтү атыылаһар кыах баарын суоттаммыта. Субсидия анаммытын кэннэ, өрөспүүбүлүкэ иһигэр авиахампаанньалар кыттыыларын тэрийиигэ куонкурус биллэрэр былааннаммыта. Сүрүн усулуобуйата - нэһилиэнньэлээх пууннарга сөптөөх авиасулууспаны тэрийии уонна быһыллыбыт тарыыбы намтатыы.
«Туундара» авиахампаанньа быйыл сэтинньигэ тэриллибитэ. Хаһаайыттарынан "Полярные авиалинии" (49%), Борис Егоров (13%), Максим Пелли (13%), Михаил Соловьев (25%) ыйылыннылар. Маны сэргэ Михаил Соловьев «Эгопласт», «Саха ат», «Уруу ювелир», «Экопро» хампаанньалары салайыыга кыттыыны ылар.
«Туундара» билиҥҥитэ туһааннаах сертификата суох. Авиахампаанньа флота аччыгый авиация судноларыгар, ордук Ан- 2 сөмөлүөттэринэн оҥоһуллуоҕа диэн РИА-новости пресс-сулууспата иһитиннэрэр.
-
0
-
0
-
0
-
0
-
0
-
0
