Күрэхтэһии сэтинньи 18-27 күннэригэр өрөспүүбүлүкэтээҕи саахымат-дуобат киинигэр ыытыллар.
Өрөспүүбүлүкэтээҕи саахымакка Федерация толоруулаах директора Вячеслав Гаврильев иһитиннэриитинэн, эр дьон бөлөҕөр 12 спортсмен, ол иһигэр өрөспүүбүлүкэ 17 саастаах чемпиона Денис Назаров, өрөспүүбүлүкэ 5 төгүллээх чемпиона, Уһук Илиҥҥи федеральнай уокурук хас да төгүллээх призера Дмитрий Егоров, өрөспүүбүлүкэ экс-чемпиона Роман Ганжуров уо.д.а. Саха Сирин күүстээх саахыматчыттара кыттыахтара.
Дьахталлар ортолоругар өрөспүүбүлүкэ күүстээх саахыматчытын аатын күөн киирсиигэ 10-тан тахса спортсмен, ол иһигэр Ньургуйаана Баишева, соторутааҕыта Бүтүн Арассыыйатааҕы күрэхтэһии кыайыылааҕа, өрөспүүбүлүкэ 5 төгүллээх чемпиона Туйаара Адамова уонна Уһук Илин федеральнай уокурук чемпиона Евдокия Избекова киирсиэхтэрэ.
Эр дьон бөлөххө үс призер 2023 с. Уһук Илиҥҥи федеральнай уокурук чемпионатыгар кыттар путевканы ылыахтара. Дьахталларга маннык быраабы чемпион уонна үрүҥ көмүс призера ылыахтара.
Санатан эттэххэ, Саха сирин саахыматчыттарын саамай үрдүк көрдөрүүтүнэн, Арассыыйа үрдүнэн эдэр саахыматчыттар хамаандалара 4-с миэстэни ылыы буолар.
Былырыын Уһук Илин федеральнай уокурук уолаттарын уонна кыргыттарын ортолоругар саахымакка сүүмэрдэммит хамаандатыгар үс мэтээли ылбыта. Уус Алдан улууһун Бороҕон нэһилиэгин ыччата Нюргуяна Баишева 19 сааһыгар диэри саастаах кыргыттарга бастакы миэстэни, саахымат гимназиятын үөрэнээччилэрэ Полина Пак- иккис миэстэ, Арсений Чумаев 17- гэр диэри саастаах уолаттарга үһүс миэстэ ылбыттара.
-
0
-
0
-
0
-
0
-
0
-
0
