Афанасий Петрович Илларионов төрөөбүт дойдутугар, Чурапчы улууһун Туора Күөл сэлиэнньэтигэр, чулуу киһи төрөөбүтэ 80 сылыгар аналлаах үөрүүлээх тэрээһиннэр ыытылыннылар.
Саха Сирин биллиилээх судаарыстыбаннай, уопсастыбаннай уонна бэлитиичэскэй диэйэтэлэ, Ил Түмэн I ыҥырыылаах бэрэстэбиитэллэрин палаататын бэрэссэдээтэлэ Афанасий Илларионов аатын үйэтитиигэ Ил Түмэн спикерэ Алексей Еремеевы кытта норуот дьокутааттара сырыттылар.
Үөрүүлээх тэрээһиннэр А.П. Илларионов пааматынньыгар сибэкки дьөрбөтүн уурууттан саҕаланна.
Үөрүүлээх мунньахха А.П. Илларионов кэргэнэ Венера Егоровна, аймахтара уонна чугас доҕотторо кытыннылар.
Парламент уонна тус бэйэтин аатыттан Алексей Еремеев бүтүн өрөспүүбүлүкэ киэҥ туттар киһитэ Афанасий Петрович Илларионов 80 сыллааҕы үбүлүөйдээх үөрүүлээх тэрээһиннэринэн эҕэрдэлээтэ.
- Кини олус истиҥ сыһыаннаах киһи этэ, сиһилии үчүгэйдик быһаарара уонна өйдөтөрө. Мин кинини кытта кэпсэтиилэрбин барытын өйдүүбүн, - диэн бэлиэтээтэ Алексей Еремеев.
А.П. Илларионов аатынан үөрүүлээх мунньахха норуот дьокутааттара Михаил Гуляев уонна Павел Пинигин, СӨ Тыа хаһаайыстыбатын миниистирэ Александр Атласов уо.д.а. кыттыыны ыллылар.
Тыл этээччилэр Афанасий Петрович Илларионов өрөспүүбүлүкэ сайдыытыгар, саҥа парламентаризмы олохтооһуҥҥа үтүө өҥөлөрүн бэлиэтээтилэр.
-
2
-
0
-
0
-
0
-
0
-
0
