2025 сыл кулун тутар ыйга нэһилиэнньэ дууһатыгар арыгыны иһии саамай аҕыйах таһыма Чечняҕа (0,13 лиитэрэ), Ингушетияҕа (0,63 лиитэрэ), Дагестаҥҥа — (0,81 лиитэрэ), Карачаево-Черкесияҕа (2,63 лиитэрэ), Кабардино-Балкарияҕа (2,84 лиитэрэ) бэлиэтэммит.
Нэһилиэнньэ дууһатыгар ордук элбэх арыгыны иһиини Ненецкэй аптаныамыйалаах уокурук (18,55 лиитэрэ), Еврейскэй аптаныамыйалаах уобалас (14,56 лиитэрэ), Кировскай уобалас (14,28 лиитэрэ), Карелия (13,49 лиитэрэ), Пенза уобалаһа (13,11 лиитэрэ) көрдөрдүлэр.
Арассыыйаҕа арыгыны иһии сыл иһигэр 2,4 бырыһыан улааппыт. Ол курдук, 2024 сыл кулун тутарыгар 8,21 лиитэрэттэн 2025 сыл кулун тутарыгар 8,41 лиитэрэҕэ диэри.
Онуоха 2019 сылтан дойдуга арыгыны иһии намтыыр:
2019 с. — 9,06 лиитэрэ;
2020 с. — 9,06 лиитэрэ;
2021 с. — 8,82 лиитэрэ (намтааһын 2,7%);
2022 с. — 8,62 лиитэрэ (намтааһын 2,3%);
2023 с. — 8,49 лиитэрэ (намтааһын 1,5%);
2024 с.— 8,38 лиитэрэ (намтааһын 1,3%).
Доруобуйа харыстабылын миниистирэ Михаил Мурашко эрдэ эппитинэн, 2030 сылга нэһилиэнньэ арыгыны иһиитэ 7,8 лиитэрэҕэ диэри намтыахтаах.
«Парламентская газета» бу иннинэ суруйбутунан, 2025 сыл тохсунньу-муус устар ыйдарыгар Арассыыйаҕа арыгы бородууксуйатын оҥорон таһаарыы 26 бырыһыанынан, 46,58 мөл. декалиитэргэ диэри түспүтэ. Чуолаан, намыһах кыраадыстаах арыгы бородууксуйата 94,5 бырыһыанынан, 448,5 тыһ. декалиитэргэ диэри түспүт.
Сиһилии ПГ: https://www.pnp.ru/social/v-minzdrave-nazvali-samye-trezvye-i-samye-pyushhie-regiony-rossii.html
Хаартыска: www.pnp.ru
-
2
-
0
-
0
-
0
-
0
-
0
