Бу күн өрүстэри туоруур кыһыҥҥы суоллар сабыллаллара былааннанар.
Ити күнтэн ыла Өлүөнэ өрүскэ салгын олбохтоох суудуналар дьону таһыахтара. Дьокуускайтан Аллараа Бэстээххэ диэри хайысханан 30 суудуна үлэлиэҕэ, мантан иккитэ аэроботтар. Кангаласс-Суотту хайысханан биэс тиэхиньикэ тардыллара былааннанар.
А- 331 «Бүлүү» уонна Р- 504 «Халыма» алта федеральнай суолларынан билигин 30 туоннаҕа диэри уйуктаах тырааныспардарга айан-сырыы хааччахтанна. Муус устар 10 күнүттэн 20 туоннаҕа диэри түһэриллэрэ былааннанар, оттон муус устар 15 күнүттэн бары федеральнай өрүс үрдүнэн кыһыҥҥы суоллар сабыллыахтара:
— Өлүөнэ өрүһүнэн Дьокуускай — Аллараа Бэстээх хайысханан;
— Бүлүү өрүһүнэн Үөһээ Бүлүү бөһүөлэк аттыгар, Күндээдэ, Уустуйа уонна Кириэстээх аттыгар;
— Алдан өрүһүнэн.
Эрэгийиэннээҕи суолларга бүгүҥҥү күҥҥэ мууһунан биэс кыһыҥҥы суол үлэлиир. Бу суоллар эмиэ муус устар 15 күнүттэн сабыллыахтара:
— Амма, Алдан уонна Бүлүү өрүстэринэн;
— Хатас-Павловскай уонна Кангаласс-Суотту хайысханан.
«Айан-сырыы сыаната 2500 солкуобайтан үрдүк буолуо суохтаах. Ол эрээри, гидрологическай балаһыанньаны көрөн, сыана кылгас болдьоххо 5000 солк. диэри үрдүүр кыахтаах», — диэн СӨ Тырааныспарга уонна суол хаһаайыстыбатыгар миниистирин бастакы солбуйааччы Анатолий Потапов иһитиннэрдэ. Ону таһынан уустук быһыы-майгы кэмигэр «Полярные авиалинии» АХ бөртөлүөтүнэн пассажирдары таһыыта көрүллүөҕэ.
Муус устар 15 күнүттэн Өлүөнэ, Бүлүү, Алдан, Амма өрүһү туоруур кыһыҥҥы суоллар сабыллыахтара. Оттон хотугу уонна Аартыка улуустарыгар муус устар 20-25 күннэригэр диэри үлэлиэхтэрэ.
Хаартыска: СИА
-
0
-
0
-
0
-
0
-
0
-
0
