Саха сирин Үтүөлээх артыыһа, Россия култууратын үтүөлээх үлэһитэ Афанасий Фёдоров -- Охонооһой бэртээхэй кэпсэтии тэрийдэ. Ол курдук кыргыттарга, далбар хотуттарга саха кэрэ куота хайдах тутта-хапта сылдьыахтааҕын, сирин-уотун хайдах сөпкө аһатыахтааҕын, эргэ барыы сиэрин-туомун уо.д.а өбүгэ төрүт үгэстэрин туһунан кэпсээтэ. Кыргыттар үксүлэрэ алаһа дьиэни араңаччылыыр ыал мааны ийэлэрэ, онон оҕону сахалыы иитиини, дьиэ кэргэҥҥэ ийэ, аҕа оруолун туһунан долгуйар ыйытыктарын ыйыттылар,санаа атастастылар.
Эбиэт кэннэ кыттааччыларга анаан Саха Сирин көмүс куолаһа, Саха Өрөспүүүбүлүкэтин үтүөлээх артыыһа, ораторскай искусство педагога, диктор Сардаана Николаевна Фёдорова маастар кылаас ыытта. Кыргыттар тылы, буукубалары дорҕоонноохтук этэргэ үөрэннилэр, саңарар саңаны сайыннарар сатабыллары боруобалаан оңорон көрдүлэр. Саха Сирин көмүс куолаһа Сардаана Фёдорова тылы дорҕоонноохтук саңарарга, сыанаҕа эрэллээхтик туттар-хаптар албастарын, кистэлэңнэрин сэгэттэ.
Бүгүңңү маастар кылаастартан кыргыттар, астыныахтарын астыннылар, ытыс дохсун тыаһынан спикердэригэр махтаннылар.
Бэлиэтээн эттэххэ, бүгүңңэттэн саҕалаан кулун тутар 16 күнүгэр буолар Опера уонна Балет тыйаатарын киэҥ уораҕайыгар буолар Грант-Финалга сыанаҕа хаамыы, тэрийэр бөлөххө талааны көрдөрүү саҕаланна ! 46 кэрэ аңаары «Аар Кудай" бырайыак салайааччыта Зарьяна Юмшанова Аар куолары, хотуттары, далбардары хас биирдиилэрин талан анал бөлөхтөргө араарда. Мантан ыла кыттааччылар бөлөхтөрүгэр баар кыргыттарын кытта өссө чугастык алтыһыахтара, доҕордоһуохтара, бэйэ бэйэлэригэр өйөбүл-тирэх буолуохтара, кэрэ күүстээх эйгэни олохтуохтара диэн эрэнэбит.
Уйгулаана Портнягина
Хаартыска: Дмитрий Ляшеев
-
0
-
0
-
0
-
0
-
0
-
0
