Докумуоҥҥа олоҕуран быһаардахха, ыраах айаҥҥа сылдьар поеһынан 10-тан 18 сааһыгар диэри пассажирдарга улахан киһи айанныыр тарыыбыттан 0,5 бырыһыаннаах коэфициент олохтонор. Бэлиэтэммитинэн, чэпчэтии плацкарт уонна уопсай вагоннарга эрэ тарҕанар.
“Парламентская газета” иһитиннэрэринэн, бу иннинэ федеральнай антимонопольнай сулууспа быһаарбытынан, өйөбүл оҕо ханна үөрэнэриттэн тутулуга суох көрүллэр. Ол эрэн, поездка олоруох иннинэ пааспары, эбэтэр төрөөбүтүн туһунан сибидиэтэлистибэни көрдөрөр ирдэнэр.
Билиҥҥитэ оҕолор туспа миэстэ ылбат буоллахтарына, 5 саастарыгар диэри босхо айанныыллар. Онтон 10 саастарыгар диэри “оҕолор тарыыптара” диэн туһаныллар. Манна поезд кылааһыттан, вагонуттан тутулуктанан улахан киһи билиэтин сыанатыттан 35-тэн 70 бырыһыаҥҥа диэри чэпчэтии оҥоһуллар.
-
0
-
0
-
0
-
0
-
0
-
0
