“Комсомольская правда” суруйарынан, Арассыыйаҕа ЕАЭС дойдуларынан – Белоруссиянан, Киргизиянан, Казахстаанынан уонна Армениянан киирэр массыыналар таможняларын ааһалларыгар утилизационнай хомуур быраабылатыгар уларыйыылар киирдилэр. Ыам ыйын 1 күнүттэн утильсбор олохтоммут ыстаапкатын оннугар уустук пуормуланы туттар буолуохтара. Минпромторг анал биэрэчининэн бигэргэммит массыына орто сыанатын уонна атыылаһыыга туһаныллыбыт ороскуоту тэҥнээхтэрэ. Исписэлиистэр үгүөрү докумуону сэргэ, утильсбор сыаната үрдүө диэн сабаҕалыыллар.
“Комсомольская правда” суруйарынан, Арассыыйаҕа ЕАЭС дойдуларынан – Белоруссиянан, Киргизиянан, Казахстаанынан уонна Армениянан киирэр массыыналар таможняларын ааһалларыгар утилизационнай хомуур быраабылатыгар уларыйыылар киирдилэр. Ыам ыйын 1 күнүттэн утильсбор олохтоммут ыстаапкатын оннугар уустук пуормуланы туттар буолуохтара. Минпромторг анал биэрэчининэн бигэргэммит массыына орто сыанатын уонна атыылаһыыга туһаныллыбыт ороскуоту тэҥнээхтэрэ. Исписэлиистэр үгүөрү докумуону сэргэ, утильсбор сыаната үрдүө диэн сабаҕалыыллар.
Саҥардыы сүрүн сыала – бырааттыы дойдуларбыт нөҥүө импорт сиэрэй схемаларын тохтотуу. Холобур, таможняны ааһыыга массыына сыанатын намтатан этии. Сабаҕалаан суоттааһынынан, саҥа быраабыла омук массыыналарын сыанатын ортотунан 10-тан 25 бырыһыаҥҥа диэри үрдэтиэн сөп.
Уоскутан эттэххэ, саҥардыы юридическай сирэйдэри уонна массыыналары хаттаан атыылааччылары эрэ хаарыйыа. Оттон бэйэлэрин тус туһаныыларыгар массыынаны кыраныысса таһыттан киллэрэр кыраасданнарга сыана атын. Үс лиитэрэҕэ диэри мотуордаах уонна сыл устата атыыламмат массыыналарга утильсбор сыаната удамыр:
3400 солкуобай – өскөтүн массыына үс сыллаах;
5200 солкуобай –массыына үс сылтан ордук кэм аннараа өттүгэр оҥоһуллубут буоллаҕына.
0
0
0
0
0
0
