Бу аахсыйа сүрүн сыала-соруга — дьиэҕэ туттуллубат маллары-саллары, аһы-үөлү, уонна ким туох кыахтааҕынан атыыга таһааран, түмүллүбүт үбү Анал байыаннай дьайыыга (СВО) сылдьар биир дойдулаахтарбытыгар көмө быһыытынан ыытыы этэ.
Тэрээһин түмүгүнэн уопсайа 42 220 солкуобай киирдэ. Баан хамыыһыйатын таһынан, 41 700 солкуобай СВО фондугар тута ыытылынна. Бу тэрээһиҥҥэ хас биирдии отдел бэйэтин кылаатын киллэрдэ. Ол курдук, Опека уонна попечительство отдела 100 бэрэскини буһаран аҕалан атыылааннар, уопсайа пуондаҕа 6 870 солкуобайы эптилэр.
«Биһиги СВО фондатыгар өссө хайдах эбии көмөлөһүөххэ сөбүн толкуйдаан, маннык тэрээһини ыытарга санаммыппыт. Ол түмүгэр бэйэбит да сэргэхсийдибит, ону таһынан фондаҕа күүс-көмө оҥордубут. Инникитин, иккис кварталга эмиэ маннык аахсыйаны тэрийэргэ былаанныыбыт», — диэн астына иһитиннэрдэ Профком салайааччыта Лилия Петровна Додохова.
Маннык хамсаныылар нэһилиэнньэни уонна тэрилтэлэри көҕүлээн, СВО фондатын хаҥатыыга үтүө холобур буолаллара саарбахтаммат.
«Эн наадата суох малыҥ — кимиэхэ эрэ наада буолан, үпкэ кубулуйан, СВО-ҕа сылдьар уолаттарбытыгар күүс-көмө буолара улахан суолталаах», — диэн үлэһиттэр бэлиэтииллэр.
Ньурба улууһун дьаһалтатын пресс-сулууспата бу курдук төрөөбүт дойдубут интэриэһин туруулаһааччы, биир дойдулаахтарбыт туһугар бииргэ толкуйдуур, үлэлиир дьоммутунан киэн туттар!
Күндү Ньурбабыт улууһун тэрилтэлэрэ, нэһилиэктэрэ уонна олохтоохторо! Эһигини эмиэ маннык курдук сэргэх тэрээһиннэри бэйэҕит эйгэҕитигэр тэрийэн, Анал байыаннай дьайыыга кытта сылдьар хорсун уолаттарбытын өйүүргүтүгэр, кинилэргэ эрэллээх тыыл буоларгытыгар ыҥырабыт! Биир сомоҕо буоламмыт — кыайыыны түргэтэтиэҕиҥ!
Ньурба улууһун дьаһалтатын пресс-сулууспата
-
0
-
0
-
0
-
0
-
0
-
0
