Арассыыйаҕа үгэс буолбут духуобнай, сиэр-майгы сыаннастарыгар, холобур, патриотизм, сиэрдээх идеаллар, бигэ туруктаах дьиэ кэргэн, сомоҕолоһуу киирэр. Өскөтүн киинэ оҥорооччулар бу сыаннастары холуннарар буоллахтарына, киинэни быракаакка таһаарартан аккаастыахтара.
Маны сэргэ, култуура министиэристибэтэ инники бэриллибит быракаат дастабырыанньаларыгар уларытыылары киллэрэр бырааптаах, киинэ көрдөрүүтүгэр суһал миэрэ ылыахтарын сөп. Киинэ көрүүтүгэр сааһынан хааччахтар кытаатыахтарын сөп.
“Хара испииһэккэ” киирбит киинэлэри онлайн көрөр эмиэ табыллыа суоҕа. Бобуу аудиовизуальнай сиэрбистэргэ эрэ буолбакка, социальнай ситимнэргэ эмиэ сыһыаннаах. Бас билээччи култуура министиэристибэтин түмүгүнэн бигэргэтиллибит Роскомнадзор ыйыытыгар хардарыахтаах, тутатына социальнай ситимнэртэн контены сотторуохтаах, туһанааччылар хаттаан киллэрбэттэрин хонтуруоллуохтаах. Бу туһунан Госдуума информбэлиитикэҕэ сис кэмитиэтин бэрэссэдээтэлин солбуйааччы Антон Горелкин этэр.
Ол курдук, кэһиилэргэ административнай ыстарааптар олохтоммуттар. Өскөтүн онлайн-былаһаакка, эбэтэр социальнай ситим бобуллубут киинэни сотторботоҕуна ыстараап 1 мөл. солкуобайга тиийиэн сөп, кэһии хатыланнаҕына - 5 мөл. солк. диэри.
Контены оҥорон таһаарааччыларга эмиэ ыстарааптар бэлэмнэнэллэр. Физическэй сирэйдэргэ 5 тыһ. солк. (хаттаан оҥорууга 150 тыһ. солк. диэри). Юридическай сирэйдэргэ 700 тыһ. солк., хаттаан оҥорууга -- 5 мөл. солк. диэри.
-
0
-
0
-
0
-
0
-
0
-
0
