Издательский дом Редакция Подписка
Погода в Якутске: . -12 oC

Коронавирус ыарыыта дьону төһө да дьиэҕэ хаайдар, ыам ыйын 9 күнүн, Улуу кыайыы үбүлүөйдээх 75 сылын бырааһынньыгын көрсөргө өрөспүүбүлүкэ дьоно-сэргэтэ долгуйан туран бэлэмнэнэр.

Коронавирус ыарыыта дьону төһө да дьиэҕэ хаайдар, ыам ыйын 9 күнүн, Улуу кыайыы үбүлүөйдээх 75 сылын бырааһынньыгын көрсөргө өрөспүүбүлүкэ дьоно-сэргэтэ долгуйан туран бэлэмнэнэр.

Сыл аайы тыһыынчанан киһи Кыайыы болуоссатыгар кэлэн кыттыһар “Өйдөбүнньүк чүмэчитэ” аахсыйа онлайн-эрэсиимҥэ көһөрүлүннэ. Ол туһунан Дьокуускай куорат ыччакка уонна дьиэ кэргэҥҥэ бэлиитикэтигэр управлениета иһитиннэрдэ. Саха сирин олохтоохторо ыам ыйын 7 күнүгэр киэһэ 21 чааска түннүктэригэр эйэлээх олох иһин сэриилэспит аймахтарын хаартыскатын ууран, чүмэчи уматан кыттыһыахтарын сөп.

Кыайыы күнүн көрсө үлэ тэтимнээхтик ыытыллар. СӨ Бырабыыталыстыбатын бэрэссэдээтэлин солбуйааччы Ольга Балабкина брифинг кэмигэр иһитиннэрбитинэн, куораттарга, нэһилиэктэргэ баар Аҕа дойду улуу сэриитигэр анаммыт пааматынньыктары сууйуохтара. Холобур, Ньурба куоратыгар ыам ыйын 4 күнүгэр Ньурба куоратын 2№-дээх оскуолатын кэлэктиибэ Кыайыы болуоссатын сууйдулар-соттулар. Үгэс курдук субуотунньукка кэлэктиибинэн бары тахсар эбит буоллахтарына, билигин дьиэҕэ олоруу ирдэбилинэн дьоҕус бөлөҕүнэн тахсан субуотунньуктаатылар.

СӨ ыччат дьыалатыгар уонна социальнай коммуникацияҕа министиэристибэтин пресс-сулууспата иһитиннэрбитинэн, кыайыы волонтердара 8 тыһыынча Георгиевскай лиэнтэни 10 атыы-эргиэн туочукатыгар, холобур, “Айгуль”, “РОЗТОР” курдук уонна атын үлэлии турар маҕаһыыннарга кэлбит дьоҥҥо түҥэтиэхтэрэ. Ону кытта волонтердар бородууктаны кытта кырдьаҕас дьоҥҥо биэриэхтэрэ. Оттон өрөспүүбүлүкэ хас биирдии олохтооҕо интэриниэт ситиминэн ыытыллар “Георгиевскай лиэнтэ – бу …” диэн этиини салҕаан видео-эҕэрдэ аахсыйатыгар кыттыан сөп.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением