Биһиги аҕа көлүөнэбит Кыайыы туһугар туруулаһан, үгүс сиэртибэҕэ баран эйэлээх олоҕу уһансыбытын умнуо суохтаахпыт. Ол туһуттан судаарыстыбабытыгар араас таһымнаах тэрээһиннэр ыытыллаллар. Кинилэр сүрүн сыаллара – үүнэр көлүөнэҕэ ытык өйдөбүллэри тиэрдии уонна иҥэрии.
Ол курдук саҥа быыстапка аһыллыытыгар Ньурба техническэй лицейин 7 кылааһын оҕолоро кэллилэр. Кинилэргэ сүбэ-соргу тылларын оройуон дьокутааттарын Сүбэтин бэрэссэдээтэлэ С.И. Евсеев уонна Ытык Сүбэ бэрэссэдээтэлэ Н.В. Николаев эттилэр. Салгыы Улуу Кыайыыга ньурбалар кылааттарын туһунан уонна быыстапка ис хоһоонун түмэл билим-чинчийэр салаатын салайааччыта Борисов Б.Б. билиһиннэрдэ.
Быыстапка ыалдьыттара “Өлбөт мэҥэ полк суруга” акцияҕа кыттан, сэриигэ кыттыбыт дьоннорун тустарынан суруктарын суруйан хааллардылар.
-
0
-
0
-
0
-
0
-
0
-
0
