Онно эһиги төһө бэлэмнэнэн эрэҕит? Хаартыска, ахтыы хомуйан, кинигэ таһаараҕыт дуу? Саха сиринээҕи пионерскай тэрилтэ 1924 с. олунньу 17 күнүгэр тэриллибитэ. Бу күн Дьокуускай куорат 62 пионердаах "Спартак" диэн пионерскай этэрээтэ мунньахтаан, Саха сирин үрдүнэн пионерскай хамсааһыны тэнитэн ыытарга уураах ылыммыта. 1925 сыл бүтүүтэ 48 пионерскай тэрилтэлэргэ 1244 пионер уонна 153 октябренок баар этэ. Пионерга оҕо 9 сааһыттан 14 сааһыгар диэри сылдьара.
Онтон эһиги оскуолаҕытыгар пионерскай тэрилтэ хаһан тэриллибитэй? Пионерскай дружинаҕыт ким аатын сүгэр этэй?
Билигин биһиги дойдубутугар Бэрэсидьиэн, Госдума, Бырабыыталыстыба, сокуоннар пионерскай тэрилтэни сөргүтэри боппоттор. Оҕо хамсааһыныгар ханнык баҕар тэрилтэни тэрийэриҥ, ханнык баҕар өҥнөөх хаалтыһы кэтэриҥ көҥүл. Оччоҕо, баҕар, кыһыл хаалтыстаах пионерскай тэрилтэлэрбитигэр маассабайдык төннөрбүт ордук буолаарай? Өрөспүүбүлүкэҕэ билигин уонча эрэ оскуолаларга баара иһиллэр, биирдэ эмэ тэлэбиисэргэ көстөллөр. Ону да кылаастар.
Пионерия уонна Саха АССР 100 сылын көрсө, пионерскай тэрилтэлэри сөргүтэр оруннаах дуо? Эһиги санааҕыт?
-
0
-
0
-
0
-
0
-
0
-
0
