Ааһан эрэр сыл бэтэрээн олоҕор кэрэ-бэлиэ дааталары бэлэхтээтэ. 100 сааһын томточчу туолбут кырдьаҕас буойун күннэтэ кыһамньыларын иһин бэйэтин махталын улуус баһылыгар Анатолий Григорьевка, баһылыгы социальнай боппуруостарга солбуйааччы Гаврил Еремеевкэ, улуус дьаһалтатын социальнай отделын исписэлииһигэр Тамара Ивановаҕа, ойуур хаһаайыстыбатын Сунтаардааҕы тэрилтэтин салайааччытыгар Василий Козловка, Сиэйэ, Толоон нэһилиэктэрин баһылыктарыгар Александр Романовка, Андрей Павловка тириэрдэр.
Прокопий Афанасьевич улуус, олорор нэһилиэгин олохтоохторун кэлэн иһэр 2023 сылынан истиҥник эҕэрдэлиир, барыта этэҥҥэ буолууну баҕарабын, алгыс үтүөтүн ыытабын диир.
-
0
-
0
-
0
-
0
-
0
-
0
