Ааспыт сылы кытта тэҥнээтэххэ, хапытаалынай өрөмүөн төлөбүрэ 5% үрдээтэ, төлөбүр кээмэйэ хас киһи олороруттан буолбакка, дьиэ уопсай иэниттэн тутулуктаах.
«Лиибэ суох КПД дьиэлэргэ олохтоохтор 1 кв.м — 10 солк.төлүүр этилэр, билигин 10 солк. 50 харчы. Лииптэх дьиэлэргэ 1 кв.м — 13 солк. 29 харчы этэ, быйыл 13 солк. 95 харчы буолла. Мас дьиэлэргэ 1 кв.м — 7 солк. 10 харчы этэ, билигин 7 солк. 45 харчынан ааҕыллар.
Холобур, лииптээх 1 хостоох 40 кв.м дьиэҕэ олорор ыал 558 солк, оттон 2 хостоох 66 кв.м — 920,7 солк, 3 хостоох 80 кв.м — 1116 солк. төлүүллэр», — диэн быһаарда СӨ Хапытаалынай өрөмүөҥҥэ пуондатын дьиэни бас билээччилэри кытта үлэлиир отдел салайааччыта Саида Петрова (сүрүн фотоҕа).
. Саҥа тутуллубут дьиэлэргэ 5 сыл хапытаалынай өрөмүөн төлөбүрэ хомуйуллубат. Эргэ дьиэҕэ олорор дьон дьиэҕит өрөмүөнэ хаһан оҥоһуллуон сөбүн СӨ Хапытаалынай өрөмүөҥҥэ пуондатын саайтыгар киирэн көрүөххүтүн сөп.
Дьокуускай ирбэт тоҥ үрдүгэр турар эрээри, сыл аайы итии-тымныы уу турбата тэстэн, дьиэ аннынааҕы сири сымнатан, ириэрэн, үгүс дьиэлэр халлаан сылыйыыта уонна тымныйыыта хамсыыллар. Итинтэн сиэттэрэн, дьиэ истиэнэтэ хайа барыан, сорох дьиэ иҥнэри-ханньары барыан сөп. Өскөтүн ыксаллаах быһыы-майгы тирээтэҕинэ, уочараты күүппэккэ эрэ анал хамыыһыйа быһаарыытынан, хапытаалынай өрөмүөнү эрдэ оҥорор, пуондаттан харчыны таһаарар көҥүллэнэр.
-
3
-
0
-
0
-
0
-
0
-
2
