Саҥа уруһуйдары Дьокуускай икки дьиэтин эркинигэр уонна Жатайга көрүөххэ сөп. Дьиэ эркинигэр эбэтэр иһигэр уруһуйданар уустук ойуу – “мурал” диэн ааттанар. Бу мураллары худуоһунньуктар Николай Григорьев уонна Софья Шилова анал сакааһынан уруһуйдаатылар. Маннык бырайыактары Куорат эйгэтин боппуруостарын сүрүннүүр киин Саха сиринээҕи салаата олоххо киллэрэр.
Николай Григорьев Дзержинскай уулуссатыгар турар дьиэни киэргэттэ. Бу дьиэ аттыгар сотору кэминэн сири оҥорооччуларга аналлаах сквер тутуллуохтаах. Онон худуоһунньук уруһуйугар Саха сиригэр дьон олохсуйуутун уонна төрүт култуура тиэмэлэрин арыйда.
Софья Шилова мурала Жатайга уруһуйданна. Уруһуй тулалыыр эйгэни харыстааһыҥҥа уонна дьиэ кэргэн оруолун бөҕөргөтүүгэ ананна.
“Саҥа уруһуйдар өрөспүүбүлүкэ олоҕор тутаах суолталаах билиҥҥи түгэннэр кэрэһиттэрэ буолуохтара”, – диэн өрөспүүбүлүкэ сүрүн архитектора Ирина Алексеева бэлиэтээтэ.
-
0
-
0
-
0
-
0
-
0
-
0
