Издательский дом Редакция Подписка
Погода в Якутске: . 10 oC

Бу күннэргэ «Көмүөл» кинигэ кыһата идэтийбит суруналыыс, суруйааччы, отучча кинигэ ааптара Бүөтүр Мохсунуоха «Эрэллээх доҕор» диэн төбөлөөх мүлчүргэннээх түгэннэрдээх, уонча араас омук бэрэстэбиитэллэрэ эрэллээх доҕордоһууларын уус-уран тылынан-өһүнэн ойуулаан көрдөрөр бастакы бөдөҥ айымньытын бэчээттээн таһаарда.

Бу күннэргэ «Көмүөл» кинигэ кыһата идэтийбит суруналыыс, суруйааччы, отучча кинигэ ааптара Бүөтүр Мохсунуоха «Эрэллээх доҕор» диэн төбөлөөх мүлчүргэннээх түгэннэрдээх, уонча араас омук бэрэстэбиитэллэрэ эрэллээх доҕордоһууларын уус-уран тылынан-өһүнэн ойуулаан көрдөрөр бастакы бөдөҥ айымньытын бэчээттээн таһаарда.

280-ча сирэйдээх, былыргы сэдэх хаартыскалардаах кинигэҕэ Хотугу Муустаах байҕал уйаара-кэйээрэ биллибэт киэҥ нэлэмэн хонноҕор-быттыгар саһан-кистэнэн сытар муора арыыларын арыйыыга боччумнаах кылааты киллэрбит учуонай-чинчийээччи, биллиилээх айанньыт барон Э.В.Толль уонна кини эрэллээх сирдьиттэрин, Усуйаана туундаратын сорсуннаах сонордьуттарын В.А.Протодьяконов-Дьэргэли, Н.А.Колемов-Куртах, К.Н.Томскай, Н.А.Горохов-Чыычаах, В.С.Дьяконов-Омук уо.д.а. тустарынан кэпсэнэр.
Эһиги кинилэр киһитэ-сүөһүтэ суох, муус-хаар куйаарын устун ыттаах сыарҕанан айаннарын, уста сылдьар муустар быыстарынан уунан кутталлаах устууларын, адьырҕа үрүҥ эһэлэрдиин хабыр хапсыһыыларын, быстыбыт мууска олорон тыал үрэрин хоту айаннааһыннарын, арыыга аччыктаан суорума суолламмыт дьоннор өлүктэрин булууларын, өйүөлэрэ бүтэн бүтэһик бирээнньиги уостарынан үллэстиилэрин, бүтэһигэр үгүс айанньыттары илэ сибиэн курдук көстө-сүтэ көөчүктээбит Санников сирин көрдүү сылдьан муора чараас мууһунан айаннаан иһэннэр ууга былдьаныыларын туһунан түгэннэри ааҕыаххыт.
Ону таһынан Уһук Хотугу сир туундаратын кырыллыбытынан сылдьар кыыс кэрэ айылҕатын хатыламмат дьикти көстүүлэрин -- дьэргэлгэн дьиримниир үҥкүүтүн, араас өҥнөөх дьүкээбил уотун суһумун, үктэнэн турар сириҥ көстүбэт хойуу туманы, киһини түҥнэри охсор күүстээх буурҕаны, харах тэстэр хараҥа түүнү быыһынан эр санаалаах хорсун айанньыттар сырыыларын билсиһиэххит. Маннык дьикти ис хоһоонноох кинигэни ааҕыахтарын баҕарар дьоннор 89247698700 телефонунан билсиһиэххитин сөп.

  • 3
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

4213 сайабылыанньа киирдэ

Халаан уутуттан эмсэҕэлээбит Нам, Өлүөхүмэ, Ньурба улуустарыттан 4000-тан тахса киһи…
27.05.24 17:15