Издательский дом Редакция Подписка
Погода в Якутске: . 10 oC

Балаҕан ыйын 15-18 күннэригэр «Илии сылааһа» иис сыаҕын тэрийиитинэн, Саха Өрөспүүбүлүкэтин Бырабыытылыстыбатын өйөбүлүнэн,  анал байыаннай дьайыыга сылдьар биир дойдулаахтарбытыгар анаан «Эр хоһуун» таҥас кэмпилиэгин тигэр иистэнньэҥнэр  куонкурустара ыытыллар.

Балаҕан ыйын 15-18 күннэригэр «Илии сылааһа» иис сыаҕын тэрийиитинэн, Саха Өрөспүүбүлүкэтин Бырабыытылыстыбатын өйөбүлүнэн,  анал байыаннай дьайыыга сылдьар биир дойдулаахтарбытыгар анаан «Эр хоһуун» таҥас кэмпилиэгин тигэр иистэнньэҥнэр  куонкурустара ыытыллар.

Куонкурус аһыллыыта бүгүн социальнай ситим нөҥүө ыытылынна. Куонкурус кыттыылаахтарын эҕэрдэлээн Саха Өрөспүүбүлүкэтин Бырабыыталыстыбатын бэрэссэдээтэлин солбуйааччы Дмитрий Садовников, куттал суох буолуутун хааччыйар судаарыстыбаннай кэмитиэт бэрэссэдээтэлэ Дмитрий Лепчиков уо.д.а. тыл эттилэр. «Илии сылааһа» иис сыаҕын салайааччы, «Гражданскай килбиэн» бэлиэ хаһаайката Ирина Саввина куонкурус туохха олоҕуран ыытылларын туһунан сырдатта, балаһыанньаны билиһиннэрдэ, ситиһиилэри баҕарда. Биһиги улууспутуттан баһылыгы социальнай боппуруостарга солбуйааччы, уопсастыбаннай ыстаап салайааччыта Алена Гуляева куонкурус улахан үлэттэн тэриллэрин этэн туран эҕэрдэлээтэ, кыайыыга дьулууру, тулууру баҕарда.

Морх_--_3.jpeg

Куонкуруска кыттар Таатта, Чурапчы, Томпо, Амма, Мэҥэ Хаҥалас, Хаҥалас, Нам, Кэбээйи, Өлөөн, Абый улуустарын, Жатай бөһүөлэгин хамаандалара түөрт күн устата барыта 13 устуука, 10 көрүҥ таҥаһы тигиэхтээхтэр. Бэнидиэнньиккэ, ол эбэтэр балаҕан ыйын 18 күнүгэр, киэһэ 18:00 чааска, куонкурус түмүктэнэн, үлэлэр тэрийээччилэргэ туттарыллыахтара. Кыайыылаахтар үлэ хаачыстыбатынан быһаарыллыахтара.

Морх_--_1.jpeg

Таатта улууһун «Харыстаана» диэн иистэнньэҥнэр хамаандаларын Саха Өрөспүүбүлүкэтин үөрэҕириитин туйгуна, «Албан Аата» уордьан толору кавалера Дмитрий Петров аатын сүгэр Ытык Күөл 2-с №-дээх орто оскуолатын технологияҕа учуутала, биллэр иистэнньэҥ Анна Никифорова салайар. От ыйыгар Дьохсоҕон нэһилиэгин дьаһалтатын уонна «Илии сылааһа» сыах көҕүлээһиннэринэн ыытыллыбыт өрөспүүбүлүкэтээҕи Иис ыһыаҕар иккис миэстэни ылары ситиспиттэрэ. Биир дойдулаахтарбытыгар бу улахан куонкуруска ситиһиини баҕарабыт.

Морх_--_4.jpeg

Ийэлэр илиилэрин сылааһынан угуттанан, алгыс тылынан арыалланан тигиллибит таҥастар, уолаттарбытыгар харысхал, дурда-хахха буоллуннар!

  • 17
  • 3
  • 0
  • 0
  • 0
  • 0

Комментарии (6)

This comment was minimized by the moderator on the site

Барыгытыгар ситиһиини баҕарабын!

This comment was minimized by the moderator on the site

Ситиьиини кыргыттар, сыралаах улэ5ит сыаналаныан ба5арабын

This comment was minimized by the moderator on the site

Ис сүрэхтэн көмөҕүт үрдүк сыанабылы ыллын🙌

This comment was minimized by the moderator on the site

Вместе мы сила 💪
Успешной работы 🎁

This comment was minimized by the moderator on the site

Биир дойдулаахтарбытыгар,Анна Никифорова салайааччылаах "Харыстаана"иистэнньэҥнэр бөлөхтөрүгэр ситиһиилэри баҕарабын.Эһиги сылаас,алгыстаах илиигитинэн тикпит таҥастаргыт уолаттарбытын харыстыы,арчылыы сырыттынар.

This comment was minimized by the moderator on the site

Эҕэрдэлиибин! Кыайыыны баҕарабын.

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Общество

Атыылаһааччы аҕыйаабат

Сандал сааспыт кэлэн массыыналаахтар кыыдааннаах кыһын устата тоҥон турбут көлөһөрүн…
24.05.24 07:19
Общество

Хотуттан үүнэн-сайдан

Ыам ыйын 21 күнүгэр, “Полярник күнүн” көрсө, “Саха Сирин Аартыката” эрэгийиэннээҕи…
24.05.24 07:11
Уопсастыба

Киин көмөлөһөр

«Берегиня» дьиэ кэргэҥҥэ оҕону иитиигэ көмөлөһөр киин Дьиэ кэргэҥҥэ элбэх өҥөнү оҥорор…
23.05.24 15:28