Бу иннинэ пуондаҕа дириэктэрдээбит Альбина Поисеева хантарааҕа бүппүтүн быһыытынан, үлэтиттэн босхолонно. Пуонда бырабылыанньатын бэрэссэдээтэлэ, Бырабыыталыстыба вице-премьерэ Сергей Местников пуонда быйылгы сыллаах үлэтин туһунан иһитиннэриини истэн баран, Альбина Иннокентьевнаҕа үтүө муобастаах үлэтин иһин махтанна.
Чахчы даҕаны киһи мыыммат үлэтэ ыытыллыбыт. Элбэхтэн аҕыйаҕы холобурдаатахха, П.А.Ойуунускай төрөөбүтэ 130 сылын көрсө «Мин туйгун норуотум -- айар күүс кыһата» култуура уонна үөрэх пуорума тэриллибит, Үлэ сылынан оскуола үөрэнээччилэригэр сахалыы видеороликтары оҥорууга куонкурус биллэриллибит, кэлэр сылга, олунньуга оскуолаҕа оҕолорун өрөспүүбүлүкэтээҕи кэмпириэнсийэлэрэ былааннанар эбит.
Афанасия Постников – Ил Түмэн дьокутаата. 2018--2022 сс. үлэ уонна социальнай сайдыы миниистирин солбуйааччынан үлэлээбитэ. Ол иннинэ Сунтаар улууһун баһылыгын солбуйааччынан, Аллараа Халыма улууһун баһылыгын бастакы солбуйааччынан үлэлээбитэ диэн Ил Дархан уонна Бырабыыталыстыа пресс-сулууспата иһитиннэрэр.
-
3
-
0
-
0
-
0
-
0
-
0
