Бу күннэргэ Саха Сирин ыччата төрөөбүт өрөспүүбүлүкэлэрин кэскиллээх сайдыытын дьүүллэстилэр. Михаил Ефимович кэриэһигэр анаммыт үгэс буолбут Николаевскай пуорум быйыл Ил Түмэн иһинэн Ыччат парламенын тэрийиитинэн ыытылынна. Пуорум саҥа көрүҥүнэн буолла. Үс күн устата эдэр салайааччылар, уопсастыбанньыктар, лидердэр аһаҕас кэпсэтии быһыытынан үлэлээтилэр, санаа атастастылар, итиэннэ 2032 с. диэри Саха Өрөспүүбүлүкэтин сайдыытын стратегиятын олоххо киллэриитин дьүүллэстилэр.
«Николаев ааҕыылара» 2007 сылтан ыытыллаллар, ол кэмтэн ыла таһыма үрдээн «Николаевскай пуорумҥа» диэри кэҥээтэ.
- Быйыл пуоруму Ыччат парламена Ил Түмэн өйөбүлүнэн биһигини кытта ыкса сибээстээхтик тэрийдэ. Ыччат былааһы кытта ситимнээх кэпсэтии ыытарыгар, сибээс олохтууругар инникитин даҕаны «Николаевскай пуорум» көдьүүстээх былааһаакканан буолуоҕа диэн мин эрэнэбин. Бастакы Бэрэсидьиэммит санаалара, кэриэс тыллара салгыы сайдыахтара уонна улахан тирэх буолуохтара, - диир Николаев-Киин салайааччыта Юрий Семенов.
Санаттахха, Ыччат парламенын бэрэссэдээтэлэ Антон Васильев этэринэн, пуорум биир сүрүн соругунан өрөспүүбүлүкэ ыччатын уонна салалтатын икки ардыларыгар хаачыстыбалаах кэпсэтиини уонна дьүүллэһиини таһаарыы буолар.
- Пуорум ис хоһооно аҥардас киэҥ эйгэҕэ таһаарыы эрэ буолбакка, Михаил Ефимович Николаев уонна кини хамаандата оҥорбут бастыҥ идиэйэлэрин, бырайыактарын сайыннарар сыаллаах-соруктаах, –диир Антон Васильев.
-
1
-
1
-
0
-
0
-
0
-
0
