Бастакы пуорум сыл анараа өттүгэр ыытыллыбыта. Сүрүн тиэмэтинэн дьалхааннаах быһыыга-майгыга үөскээбит кыһалҕалары уонна ыҥырыылары дьүүллэспиттэрэ. Улахан мунньахха дойду 63 эрэгийиэниттэн 1500- тэн тахса киһи кыттыбыта, 10-тан тахса сөбүлэһиигэ илии баттаммыта. Быйылгы пуорумҥа дойду экэниэмикэтин, «ГосТех» платформаны, сыыппара үөрэҕин, контенын оҥоруутугар, уо.д.а. эйгэлэри дьүүллэһиэхтэрэ.
Пуорумҥа РФ Сыыппараҕа министиэристибэтин баһылыга Максут Шадаев уонна РФ Уһук Илин сайдыытыгар министиэристибэтин баһылыга Алексей Чекунков ыалдьыттыахтара. Дьыалабыай бырагыраама түөрт түһүмэхтээх – «Сыыппара кэскилэ. Саҥа саҕахтар», «Үөрэҕириигэ сыыппара контена», «Геймдев 3.0» уонна «Сыыппара Медиата». Спикердэринэн уонна экспердэринэн федеральнай уонна эрэгийиэннээҕи былаас уорганнарын, «Роскосмос», «РосАтом» госкорпорациялар, «Ростелеком» АУо, «ВКонтакте», «Яндекс», Lesta Games, «OKKO», «WINK», «Premier» хампаанньалар бэрэстэбиитэллэрэ, уо.д.а. кыттыыны ылыахтара. Пуорум Уһук Илин эрэгийиэҥҥэ бастакы «Үлэ кыбаартала» креативнай кластерга ыытыллыаҕа. Тэрийээччи - СӨ Инновацияҕа, цифровой сайдыыга уонна инфокоммуникационнай технологияҕа министиэристибэтэ. Сиһилии бырагырааманы https://digitaldiamond.tech сигэнэн киирэн көрүҥ.
-
0
-
0
-
0
-
0
-
0
-
0
