Таатта улууһун бастыҥ уопсастыбанньыга Анна Никифорова учуутал түбүктээх үлэтиттэн быыс булан, үтүө санаалаах ийэлэри, эбэлэри түмэн, “Харыстаана” иис сыаҕын иккис сылын салайар. “Уопсастыбанньык буола төрүөххэ наада” диэн этии киниэхэ ананара саарбаҕа суох. Иистэнэр сыахха учуутал, педагог-библиотекарь, иитээччи уо.д.а идэлээхтэр, ону таһынан биэнсийэҕэ олорор эйэҕэс эбэлэрбит иистэнэллэр. Оттон Тыараһа нэһилиэгэр Сусанна Нахова соҕотохпун диэбэккэ, күннэтэ анал таҥастары тигэ олорор. Күрэскэ Сусанна Николаевна консультанынан, Анна Егоровна кытааччы быһыытынан эрэ буолбакка, түмүгү таһаарыыга үлэлээтилэр. Бүгүн кинилэр волонтердар ресурснай кииннэриттэн “За оказание помощи участникам СВО” диэн анал бэлиэнэн бэлиэтэннилэр, “Харыстаана” хамаанда СӨ промышленноска уонна геологияҕа миниистирин солбуйааччы Андрей Сычевскийтан Махтал суругу тутта.
Үтүө санаалаах иистэнньэҥнэрбит дьиэ-уот түбүгүттэн бириэмэ булан, биир биэс харчыта суох, сүрэхтэрин баҕатынан анал дьайыыга сылдьар биир дойдулаахтарбытыгар иистэнэллэриттэн киэн туттабыт, сөҕөбүт, махтанабыт. Эһиги илиигит сылааһа, алгыстаах тылгыт анал дьайыыга сылдьар биир дойдулаахтарбытыгар тиийэн көмүскэ буоллун, харысхал буоллун!
-
5
-
0
-
0
-
0
-
0
-
0