Куонкуруска Арассыыйа 39 эрэгийиэниттэн уонна кэккэ тас дойдулартан 266 мүөт кыттыбыт. Саха Өрөспүүбүлүкэтиттэн мүөттээх ыҥырыаны иитэр 5 хаһаайыстыба бородууксуйатын ыыппыт.
– Мин бу куонкуруска иккис төгүлбүн кыттабын, биир идэлээхтэрбин кытары билсэбин, уопут атастаһабын. Хас биирдии эрэгийиэн мүөтэ састаабынан уонна органолептикатынан тус-туһунан буолар. Саха мүөтэ айылҕа кылгас сайын устата уунар быйаҥынан оҥоһулларынан уратылаах, – диир Марат Залялов.
– Саха мүөтэ норуоттар икки ардыларынааҕы таһымҥа үрдүктүк сыаналаммыта биһиги мүөтчүттэрбит сыралаах үлэлэрин түмүгэ буолар. Ааспыт биэс сыл устата мүөтү оҥоруу түөрт төгүл улаатта, – диир инвестицияны тардыыга уонна экспорты өйөөһүҥҥэ өрөспүүбүлүкэтээҕи ааҕыныстыба бырайыактарын отделын начаалынньыга Николай Питимко.
Былырыын Илья Осипов (Горнай улууһа) мүөтэ «Сибиир бастыҥ мүөтэ» куонкуруска иккис миэстэни ылбыта, Бүтүн Арассыыйатааҕы «Көмүс күһүн» быыстапка мэтээлинэн бэлиэтэммитэ, Күннэй Тимофеева (Чурапчы) мүөтэ Москуба таһыгар ыытыллыбыт «Арассыыйа бастыҥ мүөтэ» куонкуруска 600 мүөттэн төрдүс миэстэни ылбыта. Бу туһунан Тыа хаһаайыстыбатын уонна ас-үөл бэлиитикэтин министиэристибэтэ иһитиннэрэр.
Хаартыскалар Тыа хаһаайыстыбатын уонна ас-үөл бэлиитикэтин министиэристибэтин саайтыттан.
-
0
-
0
-
0
-
0
-
0
-
0
