Дойду араас эрэгийиэннэриттэн тыа хаһаайыстыбатын тэрилин, тиэхиньикэтин оҥорууга идэтийэр бөдөҥ хампаанньалар кыттыыны ылбыт түһүлгэлэригэр Саха Сириттэн «Оһуокай» агробырамыысаланнай кластер (салайааччы Денис Савостин) эксклюзивнай дистрибьютор быраабын туһанан, Кытай икки бөдөҥ научнай-технологическай собуоттарыгар оҥоһуллубут, сүөһү уонна сибиинньэ комплекстарыгар салгыны ыраастыыр, сыты суох оҥорор систиэмэни көрдөрдө. Түмүккэ «Оһуокай» агробырамыысаланнай кластер сибинньэни иитии салаатыгар кыайыылааҕынан ааттанна.
Бу туһунан тыа хаһаайыстыбатын уона ас-үөл бэлиитикэтин министиэрисбэтэ иһитиннэрэр. Санатан эттэххэ, Денис Савостин Дьокуускай куорат таһынааҕы Марха бөһүөлэгэр, Владимир Кабохин аатынан «Сибирь» сибиинньэ комплексын салайар. Сибиэһэй сибиинньэ этинэн өрөспүүбүлүкэ нэһилиэнньэтин хааччыйар, куораттааҕы, өрөспүүбүлүкэтээҕи уонна Бүтүн Арассыыйатааҕы быыстапкаларга ситиһиилээхтик кыттар.
Хаартыска Тыа хаһаайыстыбатын уонна ас-үөл бэлиитикэтин министиэристибэтин саайтыттан.
-
0
-
0
-
0
-
0
-
0
-
0
