«2024 сыллаахха АБДь кыттыылаахтарын кытта 29, кинилэр дьиэ кэргэн чилиэннэрин кытта 91 соцконтракт оҥоһулунна», – диэтэ Елена Волкова.
88 олоххо ыарахан быһыыны-майгыны туоратыыга, 16 кэтэх урбааны олохтуурга, 5 кэтэх хаһаайыстыбаны сайыннарыыга, 11 үлэ көрдөөһүҥҥэ соцконтракт түһэрилиннэ. Бу дьаһаллар кыраасданнар үптэрин балаһыанньатын тупсарарга, итиэннэ кинилэр социальнай көхтөрүн, кэтэх урбааннарын сайыннаралларыгар көмөлөһөллөр.
Миниистир Ил Дархан Айсен Николаев СӨ Судаарыстыбаннай Мунньаҕар (Ил Түмэн) туһаайыытыгар АБДь-тан төннөн кэлбит байыаннай сулууспалаахтар социальнай адаптацияларын тиһигин күүһүрдэргэ сорук туруорбутун бэлиэтээн эттэ: «Дьарыктаах буолууга уонна үлэнэн хааччыйыыга көмө көдьүүстээх үнүстүрүмүөннэриттэн биирдэстэринэн социальнай үбүлээһин буолар. АБДь кыттыылааҕа төннөн баран үлэҕэ киириэн баҕарар буоллаҕына, биһиги үлэни булууга, итиэннэ бэйэ дьыалатын арынарыгар көмөлөһүөхпүт. АБДь кыттыылаахтарын, кинилэр дьиэ кэргэттэрин Социальнай көмүскэл управлениетыгар туһааннаах сүбэни ыларга ыҥырабыт, биһиги наадалаах докумуоннары хомуйарга уонна сайабылыанньа биэрэргэ көмөлөһүөхпүт», – диэн түмүктээтэ.
Хаартыска: https://www.sakha.gov.ru/
-
0
-
0
-
0
-
0
-
0
-
0
