Лүөччүктэр уонна шахтердар биэнсийэлэригэр эбии төлөбүр ааҕыллар
2001 сыл сэтинньи 27 күнүнээҕи 155-ФЗ №-дээх «О дополнительном социальном обеспечении членов летных экипажей воздушных судов гражданской авиации» Федеральнай сокуоҥҥа олоҕуран, буортулаах, кутталлаах, тыҥааһыннаах уонна ыарахан усулуобуйаҕа үлэлииллэрин иһин көрүллэр кырасдааныскай авиация көтөр аалларын экипээстэрин чилиэннэрин уонна чох бырамыысыланнаһын үлэһиттэрин биэнсийэлэригэр ыйдааҕы төлөбүр эбиллэр.
Сокуон быһыытынан, төлөбүр кээмэйэ сылга түөрт төгүл көннөрүллэр: олунньу 1, ыам ыйын 1, атырдьах ыйын 1 уонна сэтинньи 1 күннэригэр. Маныаха, хас биирдии киһи биэнсийэтигэр эбии төлөбүр кээмэйэ тус уратылаах буолар. Бу ыйдааҕы хамнас орто кээмэйиттэн, үлэ ыстааһыттан тутулуктаах.
Украинаҕа уонна үрдүк, итиэннэ орто таһымнаах куттал суоһуур эрэгийиэннэригэр дьиэлэрин хаалларан, Арассыыйа сиригэр быстах пууннарга олорорго күһэллибит кыраасданнары олордууга уонна аһатыыга ороскуоту толуйар үбү эрэгийиэннэргэ биэрии бэрээдэгэр уларытыылар киирдилэр.
2025 сыл муус устар 4 күнүнээҕи 435 №-дээх «О внесении изменений в постановление Правительства Российской Федерации от 5 апреля 2022 г. № 591» Арассыыйа Федерациятын Бырабыыталыстыбатын уурааҕынан, 2025 сыл ыам ыйын 1 күнүттэн быраабылаҕа анал киритиэрийдэр киирдилэр. Үөһэ ыйыллыбыт кыраасданнар бу киритиэрийдэргэ сөп түбэһэр буоллахтарына, субъектарга трансфертар тыырыллыахтара.
Ханнык киритиэрийдэр киирбиттэрин сиһилии бу сигэнэн билсиҥ: https://www.pnp.ru/social/zakony-vstupayushhie-v-silu-s-1-maya-4.html
Хаартыска уонна иһитиннэрии: «Парламентская газета»
-
0
-
0
-
0
-
0
-
0
-
0
