Ол курдук, Дьокуускайтан академик, виртуоз-хомусчут Иван Алексеев, Дьүрүйээнэ, Владимир Дормидонтов, Антонина Никитина, Андрей Алтынаров, Бүлүүттэн Августина Платонова, Светлана Шамаева, Японияттан хомусчут, үөрэтээччи Рика Дохи о.д.а. бааллар.
Антонина Никитина өр сылларга иитийиэхтээбит бырайыага олоххо киирэн, быйыл Сунтаарга хомус филиала аһыллыбытын туһунан кэпсээтэ.
Сергей Зверев 125 сыллаах үбүлүөйдээх ыһыаҕын түһүлгэтигэр төһө да элбэх тэрээһин буола турдар, хомусчуттар көрсүһүүлэригэр элбэх киһи кэлэн кытынна, хомус алыптаах тыаһынан алгыстаннылар.
Хас биирдии хомусчут хомуска хайдах идэтийбиттэрин туһунан кэпсээтилэр уонна оонньоон иһитиннэрдилэр. Бүлүүлүү сыыйыы тардыы умнуллуо суохтааҕын туһунан Иван Алексеев-Хомус Уйбаан тоһоҕолоон бэлиэтээтэ.
Бүлүү хомусчута Мария Унарова ийэтиттэн үөрэнэн, билигин идэтийбит хомусчут, Саха Өрөспүүбүлүкэтин култууратын үтүөлээх үлэһитэ Августина Евсеева 1980 сыллартан хомуска үлэлэһэ сылдьарын кэпсээтэ. Бүлүүлэргэ Иван Егорович элбэхтик семинардары тэрийэн, ол туһата элбэҕи аҕалбытын кэпсээтэ. Ону сэргэ хомус уустарын тустарынан аҕынна.
Хаартыскаҕа ааптар түһэриитэ
-
4
-
0
-
0
-
0
-
0
-
0
