Үлэлиир биэнсийэлээхтэр биэнсийэлэрэ үрдүөҕэ.
Үрдээһини, үлэ биэрээччи биэнсийэ систиэмэтигэр страховка төлөбүрүн төлөөбүт буоллаҕына, былырыын үлэлээбит кырдьаҕастар ылыахтара.
Биэнсийэ былырыын биэнсийэ систиэмэтигэр киирбит суумаҕа олоҕуран үрдүөҕэ. Маныаха, киһи төһө өр (биир ый эбэтэр сыл устата) үлэлээбититтэн тутулуга суох хаттаан ааҕыллар. Биэнсийэҕэ эбии кээмэйэ биэнсийэлээх ааспыт сылга үлэлээбит кэмиттэн, итиэннэ усунуос сууматыттан тутулуктаах.
Маныаха, кэккэ хаачахтар бааллар. Ол курдук, үлэлиир биэнсийэлээх, хас да баалы ыллын, эбиллиитэ үс биэнсийэ коэффициенын сууматыттан тахсыа суохтаах. 2025 сылга биир коэффициент сыаната 145 солк. 69 харчы буолар. Мантан сиэттэрэн, биэнсийэ муҥутуур улаатыыта 437 солкуобай 7 харчыга тэҥнэһиэ.
Эрдэҕэс оҕолор төрөппүттэрин сөбүлэҥэ суох счет арыйар кыахтара суох буолуоҕа.
Үп тэрилтэлэрэ баан счеттарын дуогабарын 14-тэн 18-гар диэри саастаах оҕолору кытта төрөппүттэрин эбэтэр сокуоннай бэрэстэбиитэллэрин сөбүлэҥэ суох түһэрсэр кыахтара суох буолуоҕа. Тустаах сокуон (24.06.2025 № 178-ФЗ) атырдьах ыйын 1 күнүгэр күүһүгэр киирэр.
Онуоха ыччат толору кыахтааҕа (дееспособный) туоһуланар буоллаҕына, сокуонунан көрүллэр быраабылаттан босхолонор. Холобура, сокуоннай сааһын ситэ илик оҕо ыал буоллаҕына эбэтэр ханнык эмэ тутулутан босхолонноҕуна (эмансипация) төрөппүтүн сөбүлэҥэ ирдэниллибэт.
Билигин оҕолор төрөппүттэрин сөбүлэҥэ суох ханнык баҕарар үп-харчы дьаһалларын оҥороллоро бобуллар, ол эрээри бу ирдэбиллэр баан счетун арыйыыга сыһыана суохтар. Ол түмүгэр, оҕолору албыннааһын тахсар, сокуоннайа суох үлэҕэ, ол иһигэр дропперскай үлэҕэ тардаллар.
Өссө ханнык сокуоннар атырдьах ыйыгар күүстэригэр киирэллэрин сиһилии бу сигэнэн иирэн ааҕыҥ: https://www.pnp.ru/economics/zakony-vstupayushhie-v-silu-v-avguste-2.html
-
0
-
0
-
0
-
0
-
0
-
0
