Күнүс 14.00 чаастан устуоруйа пааркатын былаһааккатыгар трофейнай байыаннай тиэхиньикэ быыстапкатын аһыллыытыгар анаммыт миитин буолла. Онно Арассыыйа Федерациятын Дьоруойдара Александр Колесов, Филипп Евсеев, Николай Евдокимов, Родимир Максимов, Илиҥҥи байыаннай уокурук командованиетын бэрэстэбиитэллэрэ итиэннэ Арассыыйа Сэбилэниилээх Күүстэрин «Илин» бөлөҕүн 28 байыаһа, АБДь буойуттара, ыччат түмсүүтүн чилиэннэрэ, куорат олохтоохторо кыттыыны ыллылар.
Миитини арыйарыгар Саха Өрөспүүбүлүкэтин Бырабыыталыстыбатын Бэрэссэдээтэлэ Кирилл Бычков Норуот сомоҕолоһуутун күнүгэр фащизмы утары өрөспүүбүлүкэтээҕи пуорум үлэтин саҕалааһын үгэскэ кубулуйбутун эттэ.
– «Норуот уонна аармыйа бииргэлэр» диэн фашизмы утары өрөспүүбүлүкэтээҕи пуоруму биһиги быйыл үһүс төгүлүн ыытабыт. Бу олохсуйбут үгэс буоларын таһынан, номнуо систиэмэ буолла. Бүгүн «Арассыыйа – мин устуоруйам» түмэл комплексыгар биһиги байыастарбыт Соҕурууҥҥу Донецкай туһаайыытыгар өстөөхтөн былдьаабыт биэс байыанннай тиэхиньикэлээх экспозицияны арыйабыт. Бу – биһиги байыастарбыт хорсун быһыыларын кэрэһитэ буолар. Өстөөх алдьаммыт тиэхиньикэтин утары Арассыыйа тааҥката туруоруллуубта аатырбыт «Алеша» тааҥка хорсун быһыытын санатар. Дьоруойдарга үйэ тухары албан аат! Арассыыйаҕа албан аат! Арассыыйа норуота биир сомоҕо! – диэтэ Кирилл Бычков.
Былаһааккаҕа «Алеша» диэн суруктаах «Т-72» Арассыыйа тааҥката уонна өстөөх үлтүрүтүллүбүт тиэхиньикэтэ: M113 бронетранспортер, Эмиэрикэҕэ оҥоһуллуубут M2 «Брэдли» массыына, Францияҕа оҥоһуллубут VAB бронетранспортер уонна икки массыына туруоруллубут.
-- Биһиги дойду соҕурууҥҥу кирбиититтэн кэллибит, бу кирбии кэҥээн иһэр, онуоха Саха Сирин байыастарын кырата суох кылааттара баар. Фашизмы утары өрөспүүбүлүкэтээҕи пуорум – устуоруйаны сыыһа суруйууга биһиги кытаанахтык «суох» диэһиммит буолар. Трофейнай тиэхиньикэ экспозицията биһиги кыайыыбыт символа, сомоҕолоһуубут уонна буойуттарбыт хорсун быһыыларын, эр санааларын өрөгөйө буолар, – диэтэ Илиҥҥи байыаннай уокурук командующайын байыаннай-бэлитиичэскэй үлэҕэ солбуйааччы, «Норуот уонна аармыйа бииргэлэр» диэн Фашизмы утары өрөспүүбүлүкэтээҕи үһүс пуорум тэрийэр кэмитиэтин хос бэрэссэдээтэлэ, генерал-лейтенант Роман Греков.
Итиэннэ улахан өйөбүллэрин иһин өрөспүүбүлүкэ салалтатыгар, олохтоохторугар, уопсастыбаннай тэрилтэлэргэ уонна волонтердарга махталын биллэрдэ диэн Ил Дархан уонна Бырабыыталыстыба пресс-сулууспата суруйар.
Хаартыска: Вадим Скрябин.
-
0
-
0
-
0
-
0
-
0
-
0
