Өрөспүүбүлүкэҕэ Төрүт сокуоҥҥа киирэр уларыйыыларга быыбардыырга анаммыт 799 учаастак, ол иһигэр 8 кылгас кэмнээх пуун үлэлиэхтэрэ. Ол туһунан СӨ бырабыыталыстыбатын уонна баһылыгын пресс-сулууспата иһитинннэрэр. Учаастактарга санитарнай ирдэбиллэр нуормалара тутуһуллуохтара. Хамыыһыйа үлэһиттэрэ, уопсастыбаннай кэтээччилэр уонна суруналыыстар харыстанар сириэстибэлэринэн хааччыллыахтара. Учаастактар дезинфекцияланыахтара. Бэс ыйын 15 күнүттэн саҕалаан улуустарга дезинфекциялыыр сириэстибэлэри тиэрдиэхтэрэ.
Санатар буоллахха, Бүтүн Арассыыйатааҕы куоластааһынын күнэ муус устар 22 күнүгэр ыытыллыахтаах этэ, ол эрээри коронавирус ыарыыта тарҕаныытын балаһыанньата уустугурбутунан көһөрүллүбүтэ. Госдума дойду Төрүт сокуонугар уларытыылары кулун тутар 11 күнүгэр үһүс бүтэһиктээх ааҕыыга ылынан турар. Сокуону ылыныы иһин 383 дьокутаат куоластаабыта, 43 туттуммута, утары - суох. Сокуоҥҥа 390 кэриҥэ көннөрүү киирбитэ.
-
0
-
0
-
0
-
0
-
0
-
0
