Бэлиитик пандемия кэмигэр оҕолор дьаҥынан ыалдьыбатыннар уонна дьиэ кэргэннэрин сутуйбатыннар диэн дистационнай үөрэҕи киллэрбиттэрин кытта сөпсөһөр. Ол эрээри, дистанционнай үөрэх өйдөбүлүн РФ «Үөрэҕин туһунан” сокуоҥҥа бигэргэтэри утарбыт. “Ыксаллаах быһыы-майгы эрэ буоллаҕына, дистанционнай үөрэтии туһаныллыахтаах. Ону даҕаны кылгас кэмҥэ. Күннээҕи нуорма быһыытынан адьас ылыныа суохтаахпыт. Бу күннэргэ онлайн кэмпириэнсийэ көмөтүнэн учууталлары уонна төрөппүттэри кытта ити тиэмэҕэ кэпсэппитим. Онно оҕолор күнү быһа көмпүүтэр иннигэр олорон тахсалларын иһитиннэрдилэр. Итини тэҥэ, төрөппүттэр үлэлэригэр баралларыттан сылтаан алын кылаас үөрэнээччилэрэ дьиэлэригэр соҕотох хаалаллар. 5-6-с кылаас оҕолоро сытыылара, мэниктэрэ биллэр дьон буоллахтара. Онон мэник санаалара киирэн, дьиэлэригэр арааһы бары оҥоруохтарын сөп”, -- диэн Сергей Миронов санаатын үллэстибит.
-
0
-
0
-
0
-
0
-
0
-
0
